Akizungumza hivi karibuni baada ya kurudisha fomu, Lyassa ambaye amekuwa mhariri katika vyombo mbalimbali vya habari nchini ikiwamo kumiliki gazeti lake binafsi alilolipa jina la Jiamini, anasema ameipit
ia katiba na kuisoma vizuri na kuona anazo sifa zinazostahiki na kumruhusu kugombea.
"Mojawapo ya eneo katika katiba inasema Mwenezi anapaswa kuwa na mawasiliano na vyombo vya habari na waandishi wa habari, mimi nimekuwa mwandishi na mhariri wa muda mrefu, nina mtandao mzuri kwa maana ya mawasiliano na waandishi wenzangu," anasema Lyassa.
Lyassa anaongeza kuwa "Ahadi yangu kuu ni moja...kufanya kazi kwa mujibu wa maagizo ya katiba ya chama na maelekezo ya viongozi wangu pamoja na kupokea ushauri kutoka kwa wanachama wengine juu ya namna bora ya kuendelea kuimarisha mawasiliano katika chama chetu..nitahakikisha kunakuwa na mafunzo kwa wenezi wote kuanzia mabalozi, matawi hadi wilaya zote kuhusu masuala ya uenezi, kuhakikisha suala la kadi za kidigitali linaendeshwa kwa kasi, nitafanya ziara za mara kwa mara kuanzia ngazi za matawi, kata na wilaya ili kuhakikisha changamoto zozote zinazojitokeza zinashughulikiwa haraka ikiwamo kukaa na viongozi wa Serikali ngazi za matawi, kata na wilaya ili waweze kuendelea kutekeleza ipasavyo ilani ya chama".
Lyassa anasisitiza " nje ya kufanya kazi kama Mhariri na meneja wa masuala ya habari, nimekuwa pia kama Meneja wa Mawasiliano na Masoko katika mashirika na taasisi tofauti, nitatumia ujuzi na uzoefu huo kushirikiana na wenzangu kukipeleka mbele chama chetu".
Dismas Lyassa ambaye kichama kwa sasa ni mwenyekiti wa CCM Tawi nafasi aliyogombea baada ya kuombwa na wazee kuigombea, nje ya kusomea uandishi wa habari ana Stashahada ya Uzamili katika Uongozi na Utawala kutoka Chuo cha Utumishi wa Umma aliyohitimu mwaka 2014. Aliwahi kugombea Ubunge wa Afrika Mashariki 2016, Ubunge Jimbo la Mlimba Morogoro mwaka 2015.
No comments:
Post a Comment
MAONI (COMMENTS)👇