Wednesday, October 17, 2018

TANZANIA YAJITOSHELEZA KWA CHAKULA MIAKA MITANO MFULULIZO-DKT TIZEBA

Waziri wa Kilimo, Dkt Charles Tizeba (Mb) akihutubia mamia ya wananchi waliojitokeza kwenye kilele cha maadhimisho ya siku ya Chakula Duniani Kitaifa ambayo yamefanyika kwenye viwanja vya JK Nyerere katika Halmashauri ya Mji wa Tunduma Leo tarehe 16 Octoba 2018. (Picha Zote Na Mathias Canal,WK)
Kikundi cha ngoma ya asili cha Mkoani Songwe kikitumbuiza mara baada ya waziri wa Kilimo, Dkt Charles Tizeba (Mb) kuwasili kuhitimisha kilele cha maadhimisho ya siku ya Chakula Duniani Kitaifa ambayo yamefanyika kwenye viwanja vya JK Nyerere katika Halmashauri ya Mji wa Tunduma Leo tarehe 16 Octoba 2018.
Waziri wa Kilimo, Dkt Charles Tizeba (Mb) akitoa salamu za Rais John Pombe Magufulu wakati akihutubia mamia ya wananchi waliojitokeza kwenye kilele cha maadhimisho ya siku ya Chakula Duniani Kitaifa ambayo yamefanyika kwenye viwanja vya JK Nyerere katika Halmashauri ya Mji wa Tunduma Leo tarehe 16 Octoba 2018.
Sehemu ya wananchi wakifatilia hotuba ya waziri wa Kilimo, Dkt Charles Tizeba (Mb) kwenye kilele cha maadhimisho ya siku ya Chakula Duniani Kitaifa ambayo yamefanyika kwenye viwanja vya JK Nyerere katika Halmashauri ya Mji wa Tunduma Leo tarehe 16 Octoba 2018.

Na Mathias Canal-WK, Tunduma-Songwe

Tanzania imeendelea kuwa ghala la chakula kwa nchi za jirani kwa kipindi kirefu baada ya kujitosheleza kwa chakula takribani kwa kipindi cha miaka mitano mfululizo. 

Tanzania imeweza kuuza ziada ya mazao mbalimbali ya chakula katika nchi za nje. Kulingana na takwimu zilizotolewa na Mamlaka ya Mapato Tanzania (TRA), kwa kipindi cha mwezi Juni 2017 hadi Juni 2018 yameuzwa mahindi kiasi cha Tani 64,477.95  zenye thamani ya Shillingi Billioni 90.6  za kitanzania na maharage  Tani 99,434.45 zenye thamani ya shillingi Bilioni 222.0 za Kitanzania. 

Hayo yamebainishwa na Waziri wa Kilimo Dkt Charles Tizeba (Mb), Leo tarehe 16 Octoba 2018 wakati akihutubia mamia ya wananchi waliojitokeza kwenye kilele cha maadhimisho ya siku ya Chakula Duniani Kitaifa ambayo yamefanyika kwenye viwanja vya JK Nyerere katika Halmashauri ya Mji wa Tunduma.

Dkt Tizeba alisema kuwa mazao hayo yamekuwa yakiuzwa zaidi katika nchi za Kenya, Uganda, DRC, Rwanda, Burundi, Sudani Kusini na Uarabuni. 

"Pamoja na kuuza mazao nje ya nchi, nchi yetu imekuwa ikitegemea kuagiza zao la ngano kutoka nje ya nchi kutokana na uzalishaji mdogo wa zao hilo hapa nchini. Serikali inatoa wito kwa wakulima hususani wa maeneo ambayo zao hili linalimwa na kukua vizuri waweze kuongeza maeneo ya uzalishaji na tija ili nchi iweze kupunguza utegemezi wa zao hili kutoka nchi za nje" Alikaririwa akisema

Alisema, Pamoja na uzalishaji mzuri wa chakula nchini, Lishe duni (utapiamlo) kwa jamii na kwa baadhi ya maeneo inaendelea kuchangia kwa kiasi kikubwa katika kuathiri maendeleo ya wananchi kiafya, kielimu na kiuchumi.

Aidha, ili kuyafikia malengo endelevu ya maendeleo (Sustainable Development Goals), alisema , Lishe ni moja ya muhimili muhimu wa kuwezesha kufikiwa kwa malengo yote 17 hivyo Serikali kwa kulitambua hilo, imeamua kujumuisha masuala ya lishe kuwa mojawapo ya maeneo ya kimkakati katika Mpango wa Pili wa Maendeleo wa Miaka Mitano 2016/17 – 2020/21. 

Kadhalila, aliwataka wadau wote wa lishe nchini kushiriki na kuonyesha bayana mchango wao katika kukabiliana na utapiamlo. 

Tarehe 16 ya mwezi Oktoba kila mwaka, Tanzania na nchi wanachama wa Umoja wa Mataifa, huadhimisha Siku ya Chakula Duniani ambapo lengo la maadhimisho ya siku hiyo ni kukumbushana wajibu wa kila mmoja katika kupambana na njaa, kuanzia ngazi ya kaya hadi Taifa. 

Maadhimisho ya mwaka huu yamebeba kaulimbiu inayosema “ Matendo yetu ni hatima yetu. Dunia bila njaa ifikapo 2030 inawezekana”. "Kaulimbiu hii inatutaka kufanya kazi kwa umahiri mkubwa ili tujitosheleze kwa chakula na kuwa na akiba ya kutosha kuendesha maisha yetu ya kila siku." Alisisitiza Dkt Tizeba na kuongeza kuwa

"Pia kaulimbiu hii inatukumbusha kuacha kufanya mambo kwa mazoea na badala yake tutumie utalaamu katika kuongeza kuzalisha mazao  ya kilimo, mifugo na uvuvi."

MWISHO.
Share:

Tuesday, October 16, 2018

BALOZI WA TANZANIA NCHINI SWEDEN, DK. SLAA AMTEMBELE SPIKA WA BUNGE. JOB NDUGAI

Spika wa Bunge Job Ndugai akizungumza na Balozi wa Tanzania nchini Sweden Dk. Willibrod Slaa wakati Balozi huyo alipomtembelea nyumbani kwake Jijini Dodoma, Jana.
Share:

TANESCO YAADHIMISHA KUMBUKUMBU YA MWALIMU NYERERE KWA KUPANDA MITI ELFU KUMI (10,000)

Kaimu Mkuu wa Mkoa wa Kilimanjaro, ambaye pia ni Mkuu wa Wilaya ya Moshi, Mhe. Kippi Warioba, Naibu Meya wa Manispaa ya Mji wa Moshi, Mhe. Jombo Koyi, (watatu kushoto), na Mbunge wa Viti Maalum (Vyuo Vikuu), Mhe. Esther Mmasi. (wane kushoto), wakiwa wamebeba miche ya miti na baadhi ya wafanyakazi wa TANESCO Mkoa wa Kilimanjaro wakiongozwa na Meneja wao Mhandisi Mahawa Mkaka (wasita kushoto), wakati wa zoezi la upandaji miti Mkoani humo  
NA SAMIA CHANDE, KILIMANJARO

SHIRIKA la Umeme Tanzania (TANESCO) limeungana na Watanzania katika kuadhimisha kumbukumbu ya miaka 19 ya kifo cha Baba wa Taifa Mwalimu Julius Kambarage Nyerere kwa kupanda miti elfu kumi (10,000) mkoani Kilimanjaro.

Sambamba na upandaji huo wa miti, TANESCO pia imetoa elimu ya uhifadhi wa mazingira ikiwa ni pamoja na kutunza miundombinu ya Shirika hilo ambayo imekuwa ikiathiriwa mara kwa mara na  Miti inayopandwa jirani na miundombinu ya umeme.
Kampeni hiyo ya upandaji miti ilizinduliwa rasmi na Kaimu Mkuu wa Mkoa wa Kilimanjaro Mhe. Kippi Warioba ambaye pia ni Mkuu wa Wilaya ya Moshi katika shule ya Msingi Muungano katika Manispaa ya Mji wa Moshi.
Akizungumza katika uzinduzi wa kampeni hiyo ya kupanda miti, Mhe.Warioba aliipongeza TANESCO  kwa jitihada zake za dhati za kuungana na wananchi wa Mkoa wa Kilimanjaro katika kutunza mazingira kwa kupanda miti katika wilaya za Moshi, Rombo, Same, Mwanga, Hai na Siha lakini pia kuelimisha wananchi umuhimu wa kutunza mazingira kwa kupanda miti.  
Aidha Kaimu Mkuu huyo wa Mkoa, aliitaka TANESCO kuendelea kutoa elimu ya upandaji miti ili wananchi waelewe maeneo sahihi ya kupanda miti bila kuathiri miundombinu ya umeme.
 “Ni wajibu wa kila mwananchi kujenga utamaduni wa kutunza mazingira, kwa kupanda miti hususan ya matunda, kwani utafaidi kivutli, matunda na wakati huo huo unakuwa umetunza mazingira.” Aliasa Mhe. Kipi Warioba.
Kwa upande wake Menja wa TANESCO Mkoa wa Kilimanjaro. Mhandisi Mahawa Mkaka akizungumza kwa niaba ya Mkurugenzi Mtendaji wa TANESCO Dkt. Tito Mwinuka alisema kuwa zoezi hilo linalengo la kuelimisha wananchi maeneo  sahihi ya kupanda miti ambayo hayaingiliani na miundombinu ya umeme ili kuepusha madhara mbalimbali kama vile ajali za umeme na upotevu wa umeme pia na uhifadhi wa mazingira.
Mhandisi Mkaka alisema TANESCO ina misongo mbalimbali ya umeme hivyo wananchi wanapaswa kuzingatia sheria inayotaka shughuli za kijamii ikiwemo upandaji wa miti zifanyike umbali wa mita mbili na nusu kutoka kwenye miundombinu ya umeme hii itapunguzi tatizo la kukatika kwa umeme mara kwa mara.
Zoezi hil la upandaji miti lilifanywa na wafanyakazi wa TANESCO Mkoani Kilimanjaro na kuhudhuriwa na Mbunge wa viti maalum Bi. Ester Mmasi anae wakilisha Vyuo Vikuu na Naibu Meya Manispa ya Moshi Mhe. Jomba Koyi.
TANESSCO inategemea kutekeleza zoezi hili la upandaji miti nchi zima ili kuhakikisha jamii inapata elimu ya jinsi ya upandaji miti na pia utunzaji wa miundombinu ya umeme, alisema Mhandisi Mkaka kwa niaba ya Mkurugenzi Mtendaji wa TANESCO Dkt. Tito Mwinuka.
Kaimu Mkuu wa Mkoa wa Kilimanjaro, ambaye pia ni Mkuu wa Wilaya ya Moshi, Mhe. Kippi Warioba, akifanya maandalizi ya kupanda mti.
Meneja wa TANESCO Mkoani Kilimanjaro Mhandisi Mahawa Mkaka akimkabidhi zawadi ya mche wa Matunda  Kaimu Mkuu wa Mkoa Kippi Warioba
Wafanyakazi wa TANESCO Mkoa wa Kilimanjaro, wakipanda miti 
 Mbunge wa Viti Maalum (Vyuo Vikuu), Mhe. Esther Mmasi, akimwagilia mti alioupanda.
Meneja wa TANESCO Mkoa wa Kilimanjaro, Mhandisi Mahawa Mkaka, akizungumza wakati wa tukio hilo.
Share:

SAHNGWE ZA HAFLA YA TBL KUMKARIBISHA SAMUEL ETO'O JIJINI DAR

Mkurugenzi Mkuu wa TBL Group na Rais wa kitengo cha Masoko cha ABINBEV kanda ya Afrika Mashariki, Roberto Jarrin (Kushoto) akibadilishana mawazo na Mshambuliaji wa zamani wa klabu ya Barcelona na timu ya Taifa ya Cameroon, Samuel Eto’o.
 Mkurugenzi Mkuu wa TBL Group na Rais wa kitengo cha Masoko cha ABINBEV kanda ya Afrika Mashariki, Roberto Jarrin (Kushoto) akibadilishana mawazo na Mshambuliaji wa zamani wa klabu ya Barcelona na timu ya Taifa ya Cameroon, Samuel Eto’o ( Katikati) wakati wa hafla ya chakula cha jioni kilichoandaliwa na TBL jijini Dar es Salaam, Eto’o alikuja nchini kwa udhamini wa Castle Lager kuzindua mradi wa ujenzi wa uwanja wa 5-A Side utakaojengwa katika maeneo ya Oysterbay jijini Dar es Salaam, Kulia ni Meneja chapa wa bia ya Castle Lager . Pamela Kikuli
 Mshambuliaji wa zamani wa klabu ya Barcelona na timu ya Taifa ya Cameroon, Samuel Eto’o , akipongezana na Meya wa Kinondoni Benjamini Sitta ,(Kushoto) wakati wa hafla ya chakula cha jioni iliyoandaliwa na TBL jijini Dar es Salaam, wa pili kulia ni : Mkurugenzi Mkuu wa TBL Group na Rais wa kitengo cha Masoko cha ABINBEV kanda ya Afrika Mashariki, Roberto Jarrin, Meneja chapa wa bia ya Castle Lager , Pamela Kikuli ( Kulia) na Meneja Udhamini na Mawasiliano ya wateja wa TBL, David Tarimo (wa pili kushoto).
Eto’o akifurahi na wageni waalikwa. Baadhi ya wafanyakazi wa TBL katika picha ya pamoja na Eto’o wakati wa hafla hiyo
Share:

MAGAZETI YA LEO JUMANNE, OKTOBA 16, 2018 ©CCM Blog

Share:

Sunday, October 14, 2018

RAIS DK. MAGUFULI AMTEMBELEA MAMA MARIA NYERERE BAADA YA KUSHIRIKI MISA YA KUMUOMBEA BABA WA TAIFA

Rais wa Jamhuri ya Muungano wa Tanzania Dkt. John Pombe Magufuli akimsalimia mjane wa Baba Taifa, Mama Maria Nyerere, alipomtembelea nyumbani kwake Msasani baada ya kutoka katika Ibada Maalumu ya kumuombea Baba wa Taifa Mwalimu Julius Kambarage Nyerere iliyofanyika katika kanisa la Mtakatifu Petro Oysterbay jijini Dar es salaam leo Jumapili Oktoba 14, 2018
Mke wa Rais wa Jamhuri ya Muungano wa Tanzania Dkt. John Pombe Magufuli, Mama Janeth Magufuli wakimsalimia Mama Maria Nyerere Rais na mkewe, walipomtembelea nyumbani kwake Msasani jijini Dar es salaam baada yakuhudhuria Misa Maalumu kumuombea Baba wa Taifa Mwalimu Julius Kambarage Nyerere iliyofanyika katika kanisa la Mtakatifu Petro Oysterbay jijini Dar es salaam leo Jumapili Oktoba 14, 2018
Rais wa Jamhuri ya Muungano wa Tanzania Dkt. John Pombe Magufuli na mkewe mama Janeth Magufuli wakiwa na Mama Maria Nyerere na mwanae Makongoro Nyerere walipomtembelea nyumbani kwao Msasani jijini Dar es salaam baada ya kungana na waumini katika Misa Maalumu kumuombea Baba wa Taifa Mwalimu Julius Kambarage Nyerere iliyofanyika katika kanisa la Mtakatifu Petro Oysterbay jijini Dar es salaam, leo Jumapili Oktoba 14, 2018
Rais wa Jamhuri ya Muungano wa Tanzania Dkt. John Pombe Magufuli  akisalimiana na aliyekuwa Katibu Myeka wa Mwalimu Nyerere, Mzee Masoi wakati yeye na mkewe mama Janeth Magufuli walipomtembelea Mama Maria Nyerere Mzee Samwel Kasori nyumbani kwake Msasani jijini Dar es salaam baada yakuhudhuria Misa Maalumu kumuombea Baba wa Taifa Mwalimu Julius Kambarage Nyerere iliyofanyika katika kanisa la Mtakatifu Petro Oysterbay jijini Dar es salaam leo Jumapili Oktoba 14, 2018
Rais wa Jamhuri ya Muungano wa Tanzania Dkt. John Pombe Magufuli akiwa na mjane wa Baba Taifa, Mama Maria Nyerere, aliyemtembelea nyumbani kwake Msasani baada ya kutoka katika Ibada Maalumu ya kumuombea Baba wa Taifa Mwalimu Julius Kambarage Nyerere iliyofanyika katika kanisa la Mtakatifu Petro Oysterbay jijini Dar es salaam leo Jumapili Oktoba 14, 2018
Rais wa Jamhuri ya Muungano wa Tanzania Dkt. John Pombe Magufuli na mkewe mama Janeth Magufuli wakisindikizwa  na Mama Maria Nyerere pamoja na mwanae Makongoro Nyerere na wajukuu wake walipomtembelea nyumbani kwake Msasani jijini Dar es salaam baada yakuhudhuria Misa Maalumu kumuombea Baba wa Taifa Mwalimu Julius Kambarage Nyerere iliyofanyika katika kanisa la Mtakatifu Petro Oysterbay jijini Dar es salaam leo Jumapili Oktoba 14, 2018
Share:

KONGAMANO LA JUMUIYA YA WAZAZI MKOA WA DAR ES SALAAM LA KUMBUKIZI YA KIFO CHA MWALIMU NYERERE LAFANA, LEO

 Katibu was NEC Siasa na Uhusiano wa Kimataifa Kanali mstaafu Ngemela Lubinga akikabidhi tuzo ya uongozi bora kwa Mwenyekiti was Jumuiya ya Wazazi Tanzania mkoa wa Dar es Salaam, Frank Kamugisha, wakati wa Kongamano la Kumbukizi ya Baba wa Taifa Mwalimu Nyerere, lililofanyika leo katika ukumbi wa Karimjee jijini Dar es Salaam. Kushoto ni Katibu wa Jumuiya hiyo mkoa wa Dar es Salaam Lugano Mwafongo.
 Katibu was NEC Siasa na Uhusiano wa Kimataifa Kanali mstaafu Ngemela Lubinga akikabidhi tuzo ya uongozi bora kwa  Katibu wa Jumuiya ya Wazazi  mkoa wa Dar es Salaam Lugano Mwafongo wakati wa Kongamano la Kumbukizi ya Baba wa Taifa Mwalimu Nyerere, lililofanyika leo katika ukumbi wa Karimjee jijini Dar es Salaam. Kushoto , Mwenyekiti wa Jumuiya ya Wazazi Tanzania mkoa wa Dar es Salaam, kushoto ni Frank Kamugisha, 
 Katibu wa Jumuiya ya Wazazi  mkoa wa Dar es Salaam Lugano Mwafongo, akimshukuru Katibu wa NEC Siasa na Uhusiano wa Kimataifa Kanali mstaafu Ngemela Lubinga kabla ya kukabidhiwa tuzo ya uongozi bora,  wakati wa Kongamano la Kumbukizi ya Baba wa Taifa Mwalimu Nyerere, lililofanyika leo katika ukumbi wa Karimjee jijini Dar es Salaam. Kushoto , Mwenyekiti wa Jumuiya ya Wazazi Tanzania mkoa wa Dar es Salaam, kushoto ni Frank Kamugisha.













Share:

Friday, October 12, 2018

DKT TIZEBA ASHUHUDIA UTIAJI SAINI HATI YA MARIDHIANO UKOPESHAJI WA MATREKTA


Waziri wa kilimo Mhandisi Dkt Charles Tizeba akizungumza mara baada ya kushuhudia utiaji saini hati ya makabidhiano ya ukopeshaji wa matrekta kwa vyama vya ushirika vya msingi katika Ukumbi mdogo wa Mikutano Chuo Kikuu cha Sokoine cha kilimo (SUA) Mjini Morogoro leo tarehe 11 Octoba 2018. (Picha Zote Na Mathias Canal, WK)


Kutoka kushoto ni Mkurugenzi wa Mikopo na Biashara wa Benki ya Maendeleo ya kilimo (TADB), Mkurugenzi Mkuu wa Bodi ya Pamba Ndg Marco Mtunga na Mkurugenzi wa Shirika la Maendeleo la Taifa (NDC) Prof Damian Gabagambi wakionyesha hati ya makabidhiano ya ukopeshaji wa matrekta kwa vyama vya ushirika vya msingi katika Ukumbi mdogo wa Mikutano Chuo Kikuu cha Sokoine cha kilimo (SUA) Mjini Morogoro leo tarehe 11 Octoba 2018.


Naibu Waziri wa kilimo Mhe Omary Mgumba akizungumza mara baada ya kushuhudia utiaji saini hati ya makabidhiano ya ukopeshaji wa matrekta kwa vyama vya ushirika vya msingi katika Ukumbi mdogo wa Mikutano Chuo Kikuu cha Sokoine cha kilimo (SUA) Mjini Morogoro leo tarehe 11 Octoba 2018.
Waziri wa kilimo Mhandisi Dkt Charles Tizeba akiwa katika picha ya pamoja na viongozi mbalimbali mara baada ya kushuhudia utiaji saini hati ya makabidhiano ya ukopeshaji wa matrekta kwa vyama vya ushirika vya msingi katika Ukumbi mdogo wa Mikutano Chuo Kikuu cha Sokoine cha kilimo (SUA) Mjini Morogoro leo tarehe 11 Octoba 2018.

Na Mathias Canal-WK, Morogoro

Waziri wa kilimo Mhandisi Dkt Charles Tizeba leo tarehe 11 Octoba 2018 ameshuhudia utiaji saini hati ya makabidhiano ya ukopeshaji wa matrekta kwa vyama vya ushirika vya msingi.

Katika hafla hiyo iliyofanyika katika Ukumbi mdogo wa Mikutano katika Chuo Kikuu cha Sokoine cha kilimo (SUA) Mjini Morogoro Waziri Tizeba amesisitiza matrekta hayo kutumika ipasavyo kwenye sekta ya kilimo ili kuongeza tija kwenye uzalishaji wa kilimo nchini jambo litakalokuwa na manufaa kwa mwananchi mmoja mmoja na Taifa kwa ujumla.

Taasisi ambazo zimeshirikiana kufanikisha utiaji saini huo ni Bodi ya Pamba ambayo ipo chini ya wizara ya kilimo, Benki ya Maendeleo ya kilimo-TADB, Shirika la Maendeleo la Taifa (NDC) na Tume ya Maendeleo ya ushirika.

Dkt Tizeba alisema kuwa Vyama vya ushirika vya msingi vinapaswa kuongeza juhudi katika kilimo ili kuakisi kulipa gharama za mkopo ambao ni asilimia 20 ya mkopo wote katika kipindi cha miaka mitatu huku asilimia zingine 80 zikilipwa na Benki ya Maendeleo ya Kilimo-TADB.

Utiaji huo wa saini hati ya makabidhiano ya ukopeshaji wa matrekta 300 kwa vyama vya msingi vya ushirika unajili wakati ambapo hivi karibuni Waziri Mkuu wa Jamhuri ya Muungano wa Tanzania Mhe Kassim Majaliwa alimkabidhi Waziri wa kilimo Dkt Charles Tizeba jumla ya matrekta 500 ya Ursus kwa ajili ya kukopeshwa kwenye  vyama vya ushirika vya msingi ili wakulima kunufaika na tija katika kilimo hususani zao la Pamba.

Akizungumza mara baada ya kushuhudia utiaji saini Dkt Tizeba alisema kuwa sekta ya kilimo nchini bado inakabiliwa na changamoto nyingi ikiwemo tija ndogo inayosababishwa na matumizi madogo ya pembejeo, huduma duni za ugani na matumizi ya zana duni za kilimo ambapo wakulima wengi wanatumia majembe ya mkono au kutumia maksai wakati wa kulima.

“Katika kilimo cha Pamba msimu wa mwaka 2017/2018 ushahidi unaonyesha wakulima walichelewa kuanza kuandaa mashamba kwa sababu Maksai wakati wa kiangazi wanadhoofu sana,” Alikaririwa Dkt Tizeba na kuongeza kuwa

“Mara mvua inaponyesha hawawezi kulima mpaka majani yawe mengi ndio wapate nguvu za kuanza kulima, hali hii inaondoa uwezekano wa wakulima kutumia teknolojia mpya katika kilimo kama vile kilimo hifadhi ambacho kimedhihirika kuongeza tija zaidi ya mara mbili” 

Tizeba alisema mtazamo wa mpango huo ni kuunganisha nguvu za mkulima mmoja mmoja ili kuharakisha kuleta maendeleo yao ambapo utatekelezwa kwa kutumia sehemu ya fedha zinazolipwa AMCOS kama kamisheni ya kusimamia ununuzi wa pamba ambapo matarajio ni kukusanya Bilioni 6 kama uzalishaji wa pamba utafika kilo milioni 400 kwa mwaka.

Alisisitiza kuwa Bodi ya Pamba pamoja na Tume ya Maendeleo ya ushirika zinapaswa kufuatilia kwa karibu hatua zote mwenendo wa ufanyaji kazi wa matrekta hayo ikiwa ni pamoja na kuhakikisha kuwa punde yanapoanza kufanya kazi yawe yanafanyiwa marekebisho ya mara kwa mara.

MWISHO.
Share:

Select Language

CCM Blog VIEWERS

All posts in this blog

General comments/advise

Google+ Followers

CCM Blog. Powered by Blogger.