MWENYEKITI CCM MKOA PWANI ATUA PANGANI KIBAHA KUKAGUA MAENDELEO

 Na Dismas Lyassa, Kibaha

Mwenyekiti wa CCM Mkoa wa Pwani Ndugu Ramadhani Maneno (mwenye bahasha ya kaki) leo amefanya ziara kutembelea baadhi ya miradi ya maendeleo iliyoko katika Kata Pangani, Halmashauri ya Mji Kibaha mkoani humo.

 Mwenyekiti Maneno akiwa ameongozana na baadhi ya viongozi akiwamo Mwenyekiti wa CCM Wilaya ya Kibaha Mjini, ndugu Bundala Maulid Bundala na kamati ya siasa, walikagua miradi kadhaa ikiwamo ujenzi wa Kituo cha Afya Kata Pangani, tanki la Maji Vikawe na Ujenzi wa Barabara ya TAMCO Mapinga wa kiwango cha rami.

Baadhi ya wananchi wamepongeza ziara hiyo na kuomba viongozi wa ngazi mbalimbali kutembelea miradi kwani kwa kufanya hivyo wanasaidia kuhamasisha maendeleo.

Pichani wa pili kutoka kushoto ni ndugu Bundala Maulid Bundala Mwenyekiti wa CCM Wilaya ya Kibaha Mjini aliyekuwepo pia kwenye ziara hiyo ya Mwenyekiti wa CCM Mkoa Pwani. wa kwanza kushoto ni Mwenyekiti wa Halmashauri ya Mji Kibaha, Musa Ndomba.