RAIS DK, MAGUFULI ANG'ARA UZINDUZI WA 'UFAHAMU ULIOANZIA TANZANIA KWENDA MATAIFA MENGINE', UWANJA WA UHURU, DAR ES SALAAM, JANA

Kiongozi Mkuu wa Kanisa Halisi la Mungu Baba liliopo Tegeta, Dar es Salaam, Baba wa Uzao (Wapili kulia) akizungumza mbele ya umati wa Uzao,wakati wa uzinduzi wa Kitabu cha 'Ufahamu ulioanzia Tanzania kwenda katika Mataifa mengine', katika Uwanja wa Uhuru jijini Dar es Salaam, jana.

CCM Blog, Dar es Salaam

Rais Dk. John Magufuli jana aling'ara katika shughuli ya uzinduzi wa Kitabu cha 'Ufahamu ulioanzia Tanzania kwenda katika Mataifa mengine' cha Kanisa Halisi la Mungu Baba, uliofanyika katika Uwanja wa Uhuru jijini Dar es Salaam na kushuhudiwa na maelfu ya watu kutoka ndani na nje ya nchi.

Katika uzinduzi huo, uliokuwa ukionyeshwa mbashara na baadhi ya Vituo vya Televisheni vya hapa nchini, na kwenye mitandao kadhaa ya kijamii, Dk. Magufuli alionekana kung'ara kutokana na kuziteka ndimi za wahubiri wa ndani na nje ya Tanzania waliopata nafasi ya kupanda jukwaani kutoa ushuhuda kuwa 'Tanzania imepewa upendeleo wa kipekee wa kuwa na ufahamu wa Mungu Baba', mada ambayo ndiyo iliyobebwa katika kitabu hicho kilichozinduliwa.

Kwa nyakati tofauti, wazungumzaji walisema, Rais Dk. Magufuli ameonyesha kuwa wa kipekee kwa kuwa amekuwa na uthubutu wa kuamua kufanya mambo makubwa ambayo yamekuwa yakitoa matokeo chanya huku yakiwashangaza baadhi ya watu, na kwamba sababu kubwa inayomfanya kuwa kiongozi wa aina hiyo ni kutokana na kwamba ana Roho ya Mungu Baba ndani yake.

" Mimi natoka Zambia lakini nashuhudia kwamba  Rais wa Tanzania Dk. Magufuli ana Roho ya Baba Mungu ndani yake, Tangu Corona ilipoingia na kusambaa dunia nzima, ni yeye tu duniani alitamka akasema ' Corona ni homa kama homa zingine tusiuogope ila tujihadhari tu..', Dunia nzima ni yeye tu alithubutu kusema hivyo, hata  Donald Trump hakusema, yaani yakuna Rais yeyote Duniani alithubutu kusema, lakini sasa tazameni na dunia inashuhudia hakuna Mtanzania anayevaa barakoa", alisema Kuhani Dk. Naosa Chishitu Christian kutoka Zambia.

" Sasa Rais Dk. Magufuli alithubutu kusema hivyo kwa sababu alijua Mungu Baba anao uwezo juu ya kila jambo, ikiwemo Corona, akajua akimwelekezea Mungu shida hiyo ya Corona ataimaliza..., lakini uthubutu huo aliuweza kwa sababu ana Ufahamu wa Mungu maana Roho ya Mungu Baba  ipo ndani yake", alisema Dk. Chishitu ambaye alikuwa akizunguza kwa Lugha ya Kiingereza.

" Zipo shuhuda nyingi kuonyesha kuwa Ufahamu umeanzia Tanzania kwenda katika mataifa Mengine, mnajua nchi nyingi duniani kila zinapofanya uchaguzi huwa amani inatoweka, juzi juzi tu pale Uganda watu wamekufa kwa ajili ya kampeni, Kenya tulifanya uchaguzi, ikawa vurugu hadi Rais aliyechaguliwa akashindwa kuongoza, hadi Nchi hii ya Tanzania ulipo ufahamu wa Mungu Baba ikaja kutusaidia ndiyo sasa Kenya imetulia, lakini juzi juzi Tanzania mmefanya uchaguzi kwa amani na utulivu", alisema Kuhani wa Kanisa Halisi la Mungu Baba kutoka Kenya.

Makuhani wengine waliopanda jukwaani na kushuhudia kuwa 'Ufahamu wa Mungu Baba umeanzia Tanzania kwenda Mataifa mengine na kwamba Rais Dk. Magufuli ana Roho ya Mungu Baba ndani yake, ni Kuhani  Almasi ambaye pia ni Mbunge kutoka kutoka Machakos nchini Kenya na Kuhani Shukrani kutoka Congo- DRC.

Mapema kabla ya Wazungumzaji hao kupanda jukwaani, Mkuu wa Kanisa Halisi la Mungu Baba, Baba wa Uzao, akiongoza Ibada ya shukurani alianza kuhusu 'Upendeleo waliopewa Watanzania' ambapo aliwataka wafuasi wa Kanisa hilo na wananchi wote kufanya kwa pamoja Ibada ya shukurani kwanza Uwanjani hapo.

"Tumshukuru Mungu Baba kwa kutupatia kiongozi mzuri Dk. Magufuli ambaye anatuelekeza Watanzania wote kumwelekea Mungu. Tunamshukuru Rais Magufuli na pia Tunawashuku wote wanaofanya naye kazi. Mfano Mussa na Farao wote hawakufanya kazi na Magufuli lakini sisi tumepata kiongozi anayempenda Mungu Baba", 

Tunashukuru kupata kibali cha kuzindua ufahamu ambao tunaweza kushirikisha wengine, shukurani pia kwa kupata Taifa Baba, watu watakuja kuhiji Tanzania ni Chanzo cha baraka", alisema Baba wa Uzao.

Alisema, kutokana na upendeleo wa Mungu kwa Tanzania, kila mwananchi ana moyo wa Mungu Baba ndani yake, lakini wengi hawajajijua ndiyo sababu Kanisa Halisi linafanya jitihada ili kila mmoja ajitambue hivyo.

Mwishoni ulifanyika uzinduzi wa Kitabu hicho cha Ufahamu ulioanzia Tanzania kwenda Mataifa mengine ambacho kina sehemu (Vol) tatu ambazo zinachambua kwa kina undani wa ufahamu huo ulioanzia Tanzania kwenda katika Mataifa mengine. 

Makuhani wa Kanisa Halisi la Mungu Baba wa hapa nchini na nje ya nchi wakisubiri kukaribisha wageni mbalimbali kwenye Uwanja wa Uhuru jijini Dar es Salaam.

Baba wa Uzao akiwa na familia yake kwenye jukwaa kuu baada ya kuwasili Uwanja wa Uhuru jijini Dar es Salaam, kuongoza uzinduzi huo.

Baba wa Uzao (kushoto) akitazama waliokuwa jukwaani upande wake wa kushoto, kwenye uzinduzi huo.

Baba wa Uzao akiongoza ibada ya shukurani kwa Mungu Baba kabla ya uzinduzi wa Kitabu cha Ufahamu ulioanzia Tanzania kwenda Mataifa mengine. Kushoto na kulia ni Wasaidizi wake. 

Wananchi ambao ni Uzao wa Kanisa hilo wakishangilia jambo wakati wa uzinduzi huo.

Hali ya watu walivyokuwa jukwaani

Kuhani Shukrani kutoka Congo-DRC akitoa ushuhuda kuhusu Ufahamu ulioanzia Tanzania kwenda katika Mataifa mengine, wakati wa uzinduzi wa kitabu cha ufahamu huo.

Kuhani Almasi ambaye ni Mbunge wa Machakosi nchini Kenya akitoa ushuhuda kuhusu Ufahamu ulioanzia Tanzania kwenda katika Mataifa mengine, wakati wa uzinduzi wa kitabu cha ufahamu huo.

Kuhani Feva kutoka Zambia, akitoa ushuhuda kuhusu Ufahamu ulioanzia Tanzania kwenda katika Mataifa mengine, wakati wa uzinduzi wa kitabu cha ufahamu huo.

Kuhani kutoka Kenya akitoa ushuhuda kuhusu Ufahamu ulioanzia Tanzania kwenda katika Mataifa mengine, wakati wa uzinduzi wa kitabu cha ufahamu huo.

Kuhani Dk. Naosa kutoka Zambia akitoa ushuhuda kuhusu Ufahamu ulioanzia Tanzania kwenda katika Mataifa mengine, wakati wa uzinduzi wa kitabu cha ufahamu huo.

Baba wa Uzao akilazimika kumshika bega Dk. Naosa ili asiendelee kutoa ushuhuda baada ya kutoa ushuhuda huo kwa mda mrefu akieleza kuhusu Dk. Magufuli alivyo na Roho ya Mungu ndani yake. Baba wa Uzao alilazimika kumzuia asiendelee baada ya mda aliopangiwa Dk. Naosa kupitiliza.

Kuhani kutoka Uganda akitoa ushuhuda kuhusu Ufahamu ulioanzia Tanzania kwenda katika Mataifa mengine, wakati wa uzinduzi wa kitabu cha ufahamu huo.

Uzao wakiwa wamesimama kumtukuza Mungu Baba wakati wa uzinduzi huo

Waimbaji wa kundi la Kanisa Halisi la Mungu Baba la Tegeta, wakiimba wimbo maalum wa uzinduzi wa Kitabu hicho.

Mpiga 'Domo la Bata' ambaye amewahi kuwa Mwanamuziki nguli wa Bendi ya Maquiz,  King Maluu akipuliza chombo hicho kunogesha wimbo huo maalum.

Wasanii wa Bendi ya Kanisa Halisi la Mungu Baba wakionyesha machejo ya kumtukuza Mungu Baba, jukwaani. 

Uzao wa Kanisa Halisi la Mungu Baba wakiwa wametoka jukwaani walikokuwa wamekaa na kwenda kusakata muziki wa nyimbo za kumtukuza Mungu Baba uliokuwa ukipigwa na kikundi cha Kanisa hilo.

Uzao wa Kanisa Halisi wakiwa wamefurika mbele ya Jukwaa kuu kusakata muziki wa nyimbo za kumtukuza Mungu Baba wakati wa Uzinduzi huo.

Uzao wengine wakifurahia muziki wa nyimbo za kumtukuza Mungu Baba wakiwa kwenye jukwaa la Uwanja. Huyu hakuweza kwenda jukwaa kuu kwa sababu alikuwa na mtoto mdogo.

Uzao wa Kanisa Halisi la Mungu Baba wa kutoka Kenya akipeperusha bendera ya Nchi hiyo kumtukuza Mungu Baba.

UZINDUZI WA KITABU UKIFANYIKA👇

Kuhani akionyesha nakala ya Kitabu hicho chenye sehemu (Vol) tatu. Mzinduaji huyo ameagizwa na Baba wa Uzao kumpelekea nakala rais Dk. Magufuli. Kushoto ni Kuhani Shibe ambaye alisaidia katika kukata utepe kuzindua kitabu hicho. 

Kuhani akionyesha Uzao nakala za kitabu hicho.

BABA WA UZAO AKIENDELEA NA MAOMBI YA SHUKURANI 👇

Kisha Baba wa Uzao akawaaga Uzao na kuwatakia kuondoka salama kila mmoja kurejea nyumbani, huku akisisitiza katika maombi ya shukurani kuwa hawatapatwa na madhara au uovu wowote ikiwemo wa wachawi.

Uzao wakishangilia baada ya kuagwa.

Gari alilosafiria Baba wa Uzao likiwa tayari kuondoka Uwanja wa Uhuru baada ya kumpakia tayari kwa safari ya kurejea kwake, baada ya uzinduzi wa kitabu hicho kukamilika. (Habari/Picha zote na Bashir Nkoromo, Msimamizi Mkuu wa Blog ya Taifa ya CCM. Kwa Ushauri au jambo lolote kuhusu chapisho hilo, Mpigie: 0712498008)