TAMASHA LA 8 LA WAHITIMU WALIOFADHILIWA MASOMO NA YTB LAFANYIKA MJINI ANKARA UTURUKI

Tamasha kwa ajili ya wahitimu waliokuwa wakisoma katika vyuo vikuu nchini Uturuki waliodhaminiwa na YTB limefanyika  mjini Ankara Jumatano.

Tamasha hilo limefanyika  katika ukumbi wa chumba cha biashara mjini Ankara.

Wanafunzi waliohitimu  kutoka katika vyuo vikuu vya Uturuki waliokuwa wakidhaminiwa na  taasisi hiyo ya YTB wameonekana kuwa wenye furaha wakati wakikabidhiwa shahada zao.

Rais wa Uturuki  Recep Tayyıp Erdoğan ameshiriki katika  tamasha hilo na kuwapongeza wanafunzi.

Waziri wa utamaduni na utalii Mehmet Nuri Ersoy amewapongeza  wanafunzi waliohitimu katika hotuba yake aliotoa katika tamasha hilo.

Wanafunzi 1500 wamehitimu Uturuki mwaka 2019.

Katika hotuba yake waziri wa  utamaduni amekumbusha kuwa wanafunzi waliohitimu wamekuwa wawakilishi wa kauli ambayo hupenda kutumiwa na rais Erdoğan kuhusu mataifa matano yenye kura ya turufu  ambayo inafahamika kama « Dunia ni kubwa kuliko mataifa matano »

Miongoni mwa wanafunzi 20 waliofanya vizuri shuleni yumo mwanafunzi kutoka nchini Burundi aliekuwa katika kitivo cha Sayansi ya Jamii kwa jina la Ramadhan Shabani.

Wanafunzi hao wamepongezwa na rais Erdoğan pamoja na waziri wa elimu akiwemo pia mkurugenzi wa taasisi ya YTB

Kwa upande wake  mkurugenzi wa YTB Abdullah Eren ameonesha umuhimu wa udhamini  wa masomo Uturuki.

---

Tagi: Abdullah Eren , Erdoğan , Uturuki , YTB