MTOTO WA RUGE AMUOMBEA BABA YAKE MSAMAHA

Mtoto wa kwanza wa Mkurugenzi wa Vipindi na Uzalishaji Clouds (CMG) Ruge Mutahaba Mwachi amemuombea msamaha baba yake kwa watu aliowakosea enzi za uhai wake.

Mwachi ameyasema hayo leo wakati akisoma wasifu wa baba yake katika shughuli za kumuaga katika viwanja ya Karimjee jijini Dar es Salaam.

“Ninamuombea msamaha baba yangu kwa wale wote aliowakosea enzi za uhai wake, nasi tunawasamehe wote waliomkosea baba,” amesema Mwachi ambaye ni mmoja kati ya watoto watano wa marehemu huku kauli hiyo ikizidisha simanzi kwa waombolezaji.

Amesema jamii inachoweza kufanya ni kuchukua jukumu la kusaidia japo Watanzania wawili, watafanikisha ndoto za wengi.

Ruge Mutahaba amefariki siku ya February 26 mwaka huu nchini Afrika Kusini alipokuwa akipatiwa matibabu ya figo. Ruge alizaliwa mwaka 1970, Brooklyn nchini Marekani, atakumbukwa zaidi kwa mchango wake mkubwa katika sekta ya muziki nchini.