CHINA YAITAKA MAREKANI KUMUACHIA MARA MOJA RAIS MADURO

 China imeitaka Marekani imuachilie huru mara moja Rais wa Venezuela, Nicolás Maduro, ikisema hatua hiyo ni ukiukwaji wa mamlaka na usalama wa mataifa mengine.

Katika tamko lililotolewa leo, Wizara ya Mambo ya Nje ya China ilisisitiza kuwa Beijing inapinga vikali kile ilichokitaja kama kuingilia masuala ya ndani ya nchi nyingine na matumizi ya shinikizo la kisiasa. China imeeleza kuwa vitendo vya aina hiyo vinakiuka misingi ya sheria za kimataifa na kuathiri utulivu wa kimataifa.

China imeitaka Marekani kuheshimu mamlaka ya nchi nyingine, kuacha vitendo vinavyohatarisha usalama wa kimataifa, na kushughulikia tofauti kupitia mazungumzo na diplomasia.