RAIS DK. MWINYI: TUENDELEE KUITUNZA AMANI KUELEKEA UCHAGUZI MKUU 2025

Rais wa Zanzibar na Mwenyekiti wa Baraza la Mapinduzi  Alhaj Dk, Hussein Ali Mwinyi  ameisisitiza jamii kuendelea Kuitunza Amani iliopo  wakati nchi   ikielekea katika mwaka wa  Uchaguzi Mkuu mwakani


Rais  Dk. Mwinyi ameyasema hayo alipozungumza na Waumini wa dini ya Kiislamu wa Masjid Shaafy uliopo Mombasa Mbuyu Mnene ,Wilaya ya Magharibi  B.


Ameeleza kuwa  ni wajibu wa Viongozi wa Dini na Wanasiasa  kuwahubiria Amani  waumini  na wafuasi  wao  ili nchi iendelee  kuwa na Amani na Utulivu na Serikali iendelee na mipango ya Maendeleo.


Aidha Alhaji Dk. Mwinyi amefahamisha kuwa  kwa Miaka Minne  nchi imekuwa  na  Utulivu Mkubwa  wa kupigiwa mfano  hali inayohitaji  kuendelezwa  kuelekea Uchaguzi Mkuu  wa 2025.



Wakati huo huo Alhaj Dk. Mwinyi alifika Hospitali ya  Rufaa  ya  Mkoa  Lumumba  kuwafariji na kuwajulia hali Wagonjwa waliolazwa Hospitalini hapo akiwemo  Mzee wa Chama cha Mapinduzi  Haji Machano.

Rais  Alhaj Dk. Hussein Mwinyi atoa nasaha kwa Waumini, baada ya kushiriki Swala ya Ijumaa katika Msikili wa Masjid Shaafy uliopo Mombasa Mbuyu Mnene ,Wilaya ya Magharibi  B. mjini Zanzibar, leo.

Rais  Alhaj Dk. Hussein Mwinyi  akimjulia hali Mzee wa Chama Cha Mapinguzi (CCM) Mzee Haji Machano katika Hospitali ya  Rufaa  ya  Mkoa,  Lumumba, baada ya kutembelea wagonjwa wengine katika hospitali hiyo, leo