Dkt. Kikwete ameonyesha kuridhishwa na hatua zilizopigwa katika mradi huo wa ujenzi, ambao ni sehemu ya miradi inayofadhiliwa na Mradi wa Elimu ya Juu kwa Maendeleo ya Kiuchumi (HEET) chini ya Chuo Kikuu cha Dar es Salaam.
Mradi huo unafadhiliwa na Benki ya Dunia kwa lengo la kuboresha mazingira ya kujifunzia na kufundishia, kuoanisha programu za mafunzo na mahitaji ya soko la ajira, pamoja na kuboresha usimamizi wa mfumo wa elimu ya juu nchini Tanzania.
Katika kampasi ya Buyu, ujenzi huo unahusisha vyumba vya mihadhara vyenye uwezo wa kuchukua wanafunzi 216, maabara zitakazoweza kuhudumia wanafunzi 125, chumba cha mikutano chenye uwezo wa watu 150, pamoja na bweni litakalohifadhi wanafunzi 40.
Kukamilika kwa mradi huo kutaiwezesha Taasisi kuanzisha Diploma ya Utalii wa Mazingira ya Bahari na Ukanda wa Pwani, Shahada ya Kwanza ya Uchumi wa Buluu, na pia kuanzisha Kituo cha Umahiri cha Uchumi wa Buluu.
Picha na issa MICHUZI
Mkuu wa Chuo Kikuu cha Dar es Salaam, Rais Mstaafu wa Tanzania, Dkt. Jakaya Mrisho Kikwete akionesha kampasi itakavyokuwa wakati wa ziara ya kukagua maendeleo ya ujenzi wa mradi katika Taasisi ya Sayansi za Bahari, kampasi ya Buyu, iliyopo takribani kilomita 13 kusini mwa Mji Mkongwe wa Zanzibar.
Mkuu wa Chuo Kikuu cha Dar es Salaam, Rais Mstaafu wa Tanzania, Dkt. Jakaya Mrisho Kikwete, leo amefanya ziara ya kukagua maendeleo ya ujenzi wa mradi katika Taasisi ya Sayansi za Bahari, kampasi ya Buyu, iliyopo takribani kilomita 13 kusini mwa Mji Mkongwe wa Zanzibar.
Z6
Mkuu wa Chuo Kikuu cha Dar es Salaam, Rais Mstaafu wa Tanzania, Dkt. Jakaya Mrisho Kikwete, akipata picha ya kumbukumbu na uongozi wa chuo na wakandarasi baada ya kuhitimisha ziara ya kukagua maendeleo ya ujenzi wa mradi katika Taasisi ya Sayansi za Bahari, kampasi ya Buyu, iliyopo takribani kilomita 13 kusini mwa Mji Mkongwe wa Zanzibar.
No comments:
Post a Comment
MAONI (COMMENTS)👇