BABA HALISI AONGOZA IBADA YA HIJA YA UZINDUZI WA 'MAISHA TULIYOKUSUDIWA NA MUUMBA', KIGOMA, LEO

Na CCM's Blog, Mwanga, Kigoma
Kiongozi Mkuu wa Kanisa Halisi lenya Kao Kuu lake Tegeta Namanga Jijini Dar es Salaam, Baba Halisi, ameongoza Ibada ya Hija ya Uzinduzi wa 'Maisha tuliyokusudiwa tangu Chanzo, iliyofanyika katika Viwanja vya Mwanga Community Cetre vilivyopo katika Mji wa Mwanga mjini Kigoma, leo 26 Thebeti 1 Majira Halisi (Disemba Mosi, 2024).

Ibada hiyo ya Hija ya Chanzo Halisi, imefanyika mjini Kigoma, ikiwa ni mara ya nane (8), tangu Kanisa hilo lilipoanzishwa nchini Tanzania, ambapo hadi sasa lina mamilioni ya wafuasi au waumini (Uzao) duniani kote, baadhi zikiwemo Marekani, Kenya, Uganda, Rwanda, Burundi, Zambia na Congo-DRC.

Katika Ibada hiyo wamehudhuria watu mbalimbali wakiwemo viongozi kadhaa wa dini na madhehebu mbalimbali, madiwani wakiongozwa na Mkuu wa Wilaya ya Kigoma.

Akizungumza mwanzoni mwa Ibada hiyo, Baba Halisi aliwashukuru Viongozi wote wa mkoa wa Kigoma na Wananchi wote wa mkoa huo kwa kuwapokea vizuri yeye na uzao wote, vyombo vya ulinzi na usalama, wamiliki wa nyumba za wageni, hoteli, wamiliki wa vyombo vya usafiri ikiwemo bodaboda, mabasi, Shirika la Reli Tanzania (TRC) na Shirika la Ndege Tanzania (ATC) ambalo amesema liliweza kuweka safari 'ruti' ya Kigoma ambayo haikuwepo.

Aidha kabla ya kuinua rasmi Ibada hiyo alimuinua Rais wa Jamhuri ya Muungano wa Tanzania Dk. Samia Suluhu Hassan mwa mujibu wa kitabu ambacho Baba Halisi alisema kinasema "Tunapowainua viongozi walipo madarakani tunapata amani na utulivu".

Zifuatazo ni picha mbalimbali za matukio ya Ibada hiyo kama tulivyozinakili kutoka Star tv;