DK. NCHEMBA AWATAKA IKUNGI KUENDELEA KUSHIKAMANA NA RAIS DK. SAMIA

Na HEMEDI MUNGA, Ikungi 

Wananchi mbalimbli wilayani Ikungi mkoani Singida, wametakiwa kuendelea kumuunga mkono Rais Dk. Samia Suluhu Hassan ambae kasi yake inayohitaji mwananchi wa kawaida kupata maendeleo ni kubwa na yakivitendo nchini.

Aidha, Waziri wa Fedha, Dk. Mwigulu Nchemba ameendelea  kuwafahamisha wananchi hao  namna ambavyo Rais Dk. Samia  amekua  kiongozi bora  ambae anakubalika ndani na dunian kwa ujumla hususan kwa kugusa maisha ya mwananchi mmoja mmoja hadi ngazi ya kijiji nchini.

Dk. Mwigulu ametoa elimu hiyo, leo wakati akizungumza na maelfu ya wananchi katika kilele cha Maadhimisho ya Wiki ya Wazazi mkoa wa Singida yaliofanyika kata ya Sepuka wilayani hapa mkoani humu.

Aidha, ameeleza mengi aliyoyafanya Rais Samia katika kipindi kifupi cha uongozi wake ikiwemo kuongeza  bajeti katika kila sekta ambazo zinawagusa wananchi katika maeneo yao.

"Ndugu zangu  niwape mfano wamengi aliyoyafanya Rais Dk. Samia, ameongeza  bajeti ya barabara za vijijini  kutoka takriban sh bilioni 200 hadi kufikia Trilioni 1.4 kwa barabara za vijijini tu, hivyo ameendelea kufungua uchumi wa watu wa vijijini," amesisitiza.

Akizungumza katika Maadhimisho hayo, Mkuu wa wilaya ya Iramba mkoani humo, Suleiman Mwenda amesema Rais Dk. Samia amekwishatekeleza Ilani Chama Cha Mapinduzi (CCM) ya mwaka 2020 hadi 2025 kwa asilimia takribani 90.

"Ndugu zangu wananchi na Wanachama wenzangu wa CCM ni hakika asilima 10 zilizobaki haziwezi kumshinda ndani ya mwaka mmoja na nusu uliobakia," ameeleza DC Mwenda.

Aidha, amewakumbusha Wanachama na Wananchi hao kuwa muongozo wa Chama hicho wa mwaka 1981 unaagiza Viongozi wake kuwa wanao wajibu wa kuwaeleza wananchi serikali yao imefanya nini na kwa nini iliyafanya hayo.

Pia, ameweka wazi  kuwa Chama na jumuiya zake ni lazima zieleze yale waliyoyafanya ikiwemo kuzingatia matarajio ya wale wanaowaongoza.

"Niendee kuwapongeza na kuwashukuru viongozi wangu ngazi ya mkoa na Taifa hakika mmeendelea kufanya na kuitekeleza Ilani ya Chama chetu kwa weledi mkubwa," amepongeza Mwenda.

Waziri wa Fedha, Dk. Mwigulu Nchemba akiwaeleza wananchi kasi kubwa ya Rais Dk. Samia Suluhu Hassan kutekeleza miradi ya kimkakati ikiwemo kuongeza bajeti ya kila sekta inayogusa maisha ya mwananchi wa kawaida, leo wakati akizungumza na maelfu ya wananchi katika kilele cha Maadhimisho ya Wiki ya Wazazi wa Chama cha Mapinduzi (CCM) mkoa wa Singida yaliyofanyika katika kata ya Sepuka wilayani Ikungi mkoani Singida. (Picha na Hemedi Munga)