RAIS SAMIA AULETA NCHINI MKUTANO WA MAWAZIRI WA SHERIA NCHI ZA JUMUIYA ZA MADOLA

 

TAARIFA YA WAZIRI WA KATIBA NA SHERIA MHE. BALOZI DKT. PINDI HAZARA CHANA KWA WAANDISHI WA HABARI JUU YA MAANDALIZI YA MKUTANO WA MAWAZIRI WA SHERIA WA NCHI WANACHAMA WA JUMUIYA YA MADOLA UTAKAOFANYIKA ZANZIBAR TAREHE 4-8

MACHI, 2024

Ndugu Waandishi wa Habari,

Naomba nianze kwa kumshukuru Mwenyezi Mungu, mwingi wa rehema kwa

kutujalia neema ya uhai na kutuwezesha kukutana nanyi waandishi wa

habari katika kikao hiki kinachuhusu taarifa ya maandalizi ya mkutano wa

mawaziri wa sheria wa nchi wanachama wa Jumuiya ya Madola

kitakachofanyika Unguja- Zanzibar kuanzia tarehe 4 mpaka 8 Machi, 2024

Nichukue nafasi hii kumshukuru kwa dhati Mheshimiwa Dkt. Samia Suluhu

Hassan, Rais wa Jamhuri ya Muungano wa Tanzania, kwa kuridhia

mkutano huu kufanyika nchini kwetu. Hii ni heshima kubwa kwa nchi yetu

kuwa mwenyeji wa Mkutano huu mkubwa unaotarajiwa kuwaleta nchini kwa

pamoja mawaziri wa Sheria wa nchi 56 wakiambatana na maofisa wao

waandamizi. Niwashukuru viongozi wote ambao wameshirikiana bega kwa

bega katika kuhakikisha wanasimamia maandalizi ya kazi hii kutoka katika

pande zote mbili za Muungano yaani Tanzania bara na Tanzania Zanzibar.

Lakini pia niwapongeze wataalam wote ambao hata tunavyoongea wapo

wakiendelea na maandalizi ya mkutano huu mkubwa ambao pamoja na

mambo mengine utatoa fursa ya kuitambulisha nchi yetu na vivutio vyake.

Ila kwa namna ya pekee niendelee kuwapongeza na kutoa shukrani zangu

za dhati kwenu waandishi wa habari kwani mmekuwa mstari wa mbele katika

kuhakikisha habari muhimu za maendeleo ya nchi yetu zinawafikia

watanzania kwa wakati lakini pia mimi binafsi nishukuru kwa kunipa

ushirikiano kila nilipowahitaji katika kazi za Wizara yangu na kazi yenu ni

njema. HONGERENI SANA.

2

Ndugu Waandishi wa Habari,

Nchi ya Tanzania imepata nafasi ya kuwa mwenyeji wa Mkutano

wa Mawaziri wa Sheria wa Jumuiya ya Madola utakaofanyika

Zanzibar, tarehe 4-8 Machi, 2024. Mkutano utahudhuriwa na

wageni takriban 300 kutoka nchi 56 wanachama wa Jumuiya ya

Madola.

Mgeni rasmi katika mkutano huu anatarajiwa kuwa Rais wa

Jamhuri ya Muungano wa Tanzania, Mhe. Dkt Samia Suluhu

Hassan na atakayefunga Mkutano ni Rais wa Serikali ya

Mapinduzi ya Zanzibar na Mwenyekiti wa Baraza la Mapinduzi,

Mhe. Dkt. Hussein Ali Mwinyi. Aidha, Mwenyekiti wa Mkutano huu

ni Katibu Mkuu wa Jumuiya ya Madola Bi. Patricia Scotland.

Ndugu Waandishi wa Habari,

Wizara ya Katiba na Sheria kwa kushirikiana na Ofisi ya Rais

Katiba, Sheria, Utumishi na Utawala Bora Zanzibar inaendelea na

maandalizi ya Mkutano huo kwa kushirikiana na Sekretarieti ya

Jumuiya ya Madola. Dhima ya Mkutano huu ni “Technology and

Innovation: How Digitization Paves the Way for

the Development of People-Centered Access to Justice”,

ambayo itwasilishwa na Tanzania na tayari maandalizi yote ya

kuandaa andiko yamekamilika. Aidha katika mkutano huo Tanzania

tunawania Tuzo mbili moja ni usajili wa watoto chini ya miaka

mitano na nyingine ni utoaji wa huduma ya msaada wa kisheria

kupitia kampeni ya Mama Samia Legal Aid Campaign.

Hafla ya ufunguzi itafanyika katika hoteli ya Golden Tulip iliyopo

eneo la Airport Zanzibar.

3

Ndugu Waandishi wa Habari,

Maandalizi ya mkutano huu yanaendalea ambapo vinafanyika

vikao mbalimbali kwa njia ya mtandao kati ya Wizara zetu mbili na

Sekretarieti ya Jumuiya ya Madola kwa lengo la kuratibu kwa

pamoja maandalizi ya Mkutano huo.

Aidha, Kamati Kuu ya Maandalizi inaendelea na maandalizi

ambapo tarehe 11 Januari, 2023 ilikutana na agenda ilikuwa ni

kuunda Kamati ndogo za maandalizi ya mkutano na kufahamu

majukumu ya Kamati hizo. Kikao cha pili kilifanyika tarehe 17

Januari 2024 na agenda ilikuwa ni kupokea na kujadili taarifa na

mahitaji ya bajeti. Kikao cha nne(4) kilifanyika tarehe 22 Januari

2024 na agenda lilikuwa ni kupitia na kujadili taarifa za maandalizi

ya mkutano zitakazowasilishwa kwenye kikao cha kamati ya Taifa

ya Maandalizi. Hadi hivi sasa tumeshatengeneza Roadmap ya

masuala yote kuhusu mkutano kuanzia tarehe 31/01/2024 hadi

08/03/2024.

Ndugu Waandishi wa Habari,

Jumla ya Kamati ndogo za Maandalizi saba (7) zimeundwa na zina

wajumbe kutoka Wizara na taasisi mbalimbali za Serikali zote mbili.

Kamati hizo ni Kamati ya Bajeti, Ununuzi na Fedha; Kamati ya

Mapokezi, Itifaki, Usafiri na Malazi; Kamati ya Ukumbi, Mapambo,

Chakula na viburudisho, Mchapalo, zawadi, Burudani na TEHAMA;

Kamati ya Usajili, Usajili, Ulinzi na Usalama; Kamati ya Habari na

Machapisho; Kamati ya Afya; Kamati ya Nyaraka na Kamati ya

Utalii.

Ndugu Waandishi wa Habari,

Sekretarieti ya Jumuiya ya Madola imeshafanya ziara mara mbili

kushirikiana na timu ya wataalam wetu. Lengo la ziara hizo mbili ni

kutathmini kwa pamoja hali ya maandalizi ya mkutano huo,

kukutana na Kamati ndogo za Maandalizi na kutembelea maeneo

yanayohusiana na Mkutano huo ikiwemo kumbi za mkutano, hoteli

4

za malazi ya wageni na vivutio vya utalii kwa wageni watakaoshiriki

katika mkutano.

Ndugu Waandishi wa Habari

Mkutano huu sio tu utaitangaza nchi yetu katika anga za kimatifa

bali utatumika kama chazo cha mapato ya fedha za kigeni. Aidha

mkutano huu utakuwa fursa kwa wajasiriamali wadogo na wakati

kufanya baishara zao eneo la mkutano.

Ndugu Waandishi wa Habari,

Kwa kumalizia hotuba yangu, naomba niwakumbushe tena kuwa

hii nafasi adhimu ambayo nchi yetu imebahatika katika mwaka huu

kuweza kuwa mwenyeki wa kikao hiki. Niwakumbushe kuwa Dunia

ina imani na Tanzania kuhusu utawala wa Sheria na Haki ndio

maana mwishoni mwa mwaka jana pia mkutano mkubwa wa 77 wa

Haki za Binadamu na Watu ulifanyika hapa Nyumbani Mkoani

Arusha. Ikumbukwe kuwa Kamisheni ya Afrika ya Haki za

Binadamu na Watu hawaendi mahali bila kujihakikishia masuala ya

amani yako vizuri, hivyo niwasihi wanahabari kuendeleza

kuzitumia kalamu zenu katika kueneza tunu ya amani na mazuri

yote ambayo Serikali yetu inayoongozwa na Dkt. Samia Suluhu

Hassan inayatekeleza bila kuacha kukielezea kwa kina kikao hiki

na manufaa yake kwa watanzania. Mkutano huu kufanyika nchini

kwetu unadhihirisha pasi na shaka juu ya kuaminika kwetu katika

anga la kimataifa kwani mkutano wa mwisho wa Mawaziri wa

Jumuiya ya Madola ulifanyika Mauritius mwaka 2022, sio rahisi

mkutano unaofuata kufanyika tena Afrika ila kwa kuwa Rais wetu

wa awamu ya sita ameifungua nchi, tulikubaliwa bila kupingwa

kuwa mwenyeji wa mkutano huu.

Asanteni sana!

Mungu Ibariki Afrika, Mungu Ibariki Tanzania na Kazi iendelee!