MWENYEKITI MSUYA WA CCM KILOMBERO AWATAKA VIONGOZI KUISIMAMIA SERIKALI

Mwenyekiti wa CCM wilaya ya Kilombero, Hemed Msuya, akizungumza wakati wa maadhimisho ya miaka 47 ya CCM kata ya Msolwa Stesheni, Wilayani Kilombero, mkoa wa Morogoro.

NA VICTOR MAKINDA, KILOMBERO - MOROGORO.

Viongozi wa Chama Cha Mapinduzi  wilayani Kilombero, wametakiwa kuisimamia serikali ili iendelee kutekeza ilani ya uchaguzi ya chama hicho.

Mwenyekiti wa Halmashauri ya Kilombero mji, wilaya ya Kilombero, Kasim Nakapala akizungumza katika maadhimisho ya miaka 47 ya C

Agizo hilo limetolewa na Mwenyekiti wa Chama Cha Mapinduzi (CCM), Wilaya ya Kilombero,  Hemed Msuya, wakati wa sherehe za maadhimisho ya miaka 47 ya kuzaliwa kwa CCM, yaliyofanyika kwa ngazi ya wilaya  Kata ya Msolwa Steheni, Wilayani Kilombero, Mkoani Morogoro jana.

Msuya amesema kuwa CCM ndiyo chama kilichopata ridhaa ya wananchi ya kuunda serikali kupitia sanduku la kura, hivyo viongozi wa chama hicho wana dhima  ya kuwasimamia watendaji wa serikali na kuwawajibisha viongozi wote wanaoendekeza  urasimu na  ugoi goi katika kuwahudumia wananchi.

 “Msiogope, chama ni zaidi ya serikari, kipo juu na serikali ipo chini ya chama. Mjitambue kuwa ninyi ni wasimamizi wa kuwasimamia viongozi wa serikali ili wafanye kazi kwa bidiii kutekeleza ilani ya CCM,” alisema Msuya.

                            

Mjumbe wa Kamati ya Siasa ya CCM, Wilaya ya Kilombero, akizungumza jambo wakati wa maadhimisho ya miaka 47 ya chama hicho.

Aliongeza kusema kuwa CCM wilayani Kilombero, haitasita kuwachukulia hatua watendaji wa serikali wasiotimiza wajibu  wao wa kuwahudumia wananchi.

Akizungumza kuhusu miaka 47 tangu kuzaliwa kwa CCM, Msuya amesema kuwa chama hicho kinajivuni misingi iliyoasisi na kuilinda, ikiwa ni uzalendo, utu, umoja na mshikamano wa kitaifa.

Baadhi ya wanachama wa CCM walohudhuria sherehe hizo

Naye  Mwenyekiti wa Halmashauri ya Ifakara Mji, wilaya ya Kilombero,   Kasim Nakapala, akizungumza kwenye maazimisho hayo, alisema kuwa wakati tunasherehekea miaka 47 ya CCM,  Halmashauri ya Kilombero imepokea miradi mingi ya maendeleo hivyo ni wajibu wa watendaji wote wa serikali kusimamia miradi hiyo ili ilete tija kwa wananchi.

Viongozi wa wilaya wakifurahia jambo wakati wa maadhimisho hayo.

“Tunaimshukuru serikali ya awamu ya sita, chini ya uongozi wa Rais wa Jamhuri ya Muungano wa Tanzania, Samia Suluhu Hassan, kwa kutuletea miradi mingi ya maendeleo wilayani kilombero, ikiwa ni miradi ya elimu, afya,kilimo, umeme na ujenzi wa barabara, hivyo watendaji wa serikali wanapaswa kuendana na kasi ya rais katika kusimamia miradi hiyo ili ituletee maendeleo," alisema Nakapala.