KOMREDI MWAJABU AUNGURUMA ILALA, AWATAKA JUMUIYA YA WAZAZI KUVUNA WANACHAMA WENGI KUIHAKIKISHIA CCM USHINDI WA KISHINDO 2024-25

📌Msongola
📋03/02/2024

Katika mwendelezo ya sherehe za maadhimisho ya Miaka 47 ya kuzaliwa kwa CCM mwenyekiti Uwt Mkoa Dar es salaam Mwajabu Rajabu Mbwambo ameendelea na Ziara yake wilaya ya Ilala kata ya Msongola wenye matawi 18 na mitaa 09. Ikiwa ni Zamu ya Jumuiya ya wazazi kufanya sherehe za maadhimisho ya miaka 47 CCM. Mwenyekiti aliwapa somo la kuhakikisha wanafanya sensa ya wanachama na kubaini wanachama halisi wa CCM na Jumuiya ya Wazazi kwani Uchaguzi ni namba. Ili kupata wenyeviti wa serkali za mitaa na jeshi la kumsimika Raisi Dk. Samia Suluhu Hassan madarakani ni wanaCCM na jumuiya zake. Hivyo hakuna budi kuhakikisha wanashawishi na kupata wanachama wengi na waliohai kwa kulipa Ada zao.

Cde Mwajabu Mbwambo amewafahamisha kuwa Kata ya Msongola ina wakazi zaidi ya Elfu tisini hivyo na ndio kata yenye watu wengi katika wilaya ya Ilala Jumuiya ya wazazi inapaswa kuhakikisha inavuna wanachama wengi kulingana na Idadi ya wakaazi wa kata hiyo.

Msongola ni Wanufaika wa Miradi mbalimbali ya elimu na Afya. Komred Mwajabu amempongeza Raisi Dk. Samia Suluhu Hassan kwa kupeleka huduma za kijamii kwa wananchi Ujenzi wa shule za msingi na sekondari, matundu ya vyoo, majengo ya Utawala pamoja na zahanati.

Wenyeviti wa serikali za mitaa tisa ya Msongola wamemshukuru Rais Dk. Samia kwa kuwafikishia huduma za kijamii, Mh Mbunge wa jimbo Jerry Slaa kuwa bega kwa bega na wananchi, Mkuu wa wilaya Mh Mpogole kuhakisha usalama wa wananchi upo imara Diwani wa kata na uongozi wa chama na jumuiya zake kwa kuwa mstari wa mbele katika kutatua kero za wananchi. Pia wamekumbusha changamoto kubwa inayowakabili ni uchakavu wa miundo ya barabara, ukosevu wa vivuko baadhi ya maeneo na ukosefu wa Maji ya uhakika na ukatikaji wa umeme mara kwa mara. Ila wametoa ufafanuzi kero hizi zinafanyiwa kazi na miundo mbinu ya barabara itakamilika kulingana na mradi ya DMDP awamu ya pili na tatu wakiwa wanasubiria mvua za Elninyo kuisha ili mkandarasi aanze Ujenzi.

Mwenyekiti Mwajabu Alipata wasaa wa kuhudhuria misibani na kutoa salam za pole na Rambirambi kwa mwenyekiti wa CCM Kata ya Msongola kwa kuondokewa na kijana wa kaka yake aliyekua akimle kwa kupata ajali ya pikipiki usiku wa kuamkia tarehe moja ya mwezi Februari. Alijuimuika na viongozi wa wilaya, kata, matawi na wananchi wa Msongola.

Kauli Mbiu
Miaka 47 ya CCM shiriki Uchaguzi kwa Uadilifu kazi Iendelee_

UWT imara
Jeshi la Dr Samia
Kazi Iendelee