CHONGOLO: TUKO IMARA TUSIKUBALI KUCHONGANISHWA NA RAIS UWEKEZAJI WA BANDARI+video

Katibu Mkuu wa CCM, Komredi Daniel Chongolo  amesisitiza kuwa chama hicho kiko imara na timamu hivyo kitaendelea  kuisimamia serikali ili itekeleze ipasavyo Ilani ya Chama ikiwemo kuharakisha uwekezaji wa Bandari ya Dar es Salaam kwa maslahi makubwa ya nchi.

Aidha, Chongolo amewataka wanaCCM wasikubali kuyumbishwa na mambo mepesi yakiwemo ya baadhi ya wanasiasa wanaotaka kuwachonganisha na viongozi. 

Pamoja na mambo mengine  Komredi Chongolo ameyasema hayo alipokuwa akihutubia katika mkutano mkubwa wa hadhara uliofanyika kwenye Uwanja wa Nangwanda mjini Mtwara ambao lengo ni kuwaelimisha wananchi kuhusu faida ya makubaliano ya uwekezaji wa bandari.

Mkutano kama huo umefanyika jana Julai 15, 2023 jijini Mbeya uliohusisha pia baadhi ya wananchi kutoka mikoa mingine ya Iringa, Njombe, Songwe na Rukwa.

Sehemu ya wananchi waliofurika kwenye mkutano huo

Mjumbe wa Halmashauri Kuu ya CCM, Stephen Wassira akihutubia katika mkutano huo wenye lengo la kuielimisha jamii kuhusu umuhimu wa makubaliano ya uendeshaji wa Bandari  baina ya kampuni ya DP World.

Mwenyekiti wa UWT Taifa, Mary Chatanda akimpongeza Mzee Wassira kwa hotuba nzuri.

Komredi Chongolo akiondoka baada ya kumaliza kuhutubia mkutano.

Mdau, nakuomba uendelee kusikiliza kupitia clip hii ya videon Chongolo akiunguruma kwenye mkutano huo..

 IMEANDALIWA NA RICHARD MWAIKENDA 

MHARIRI BLOG YA TAIFA YA CCM 

0754264203