WAUMINI WA DINI WAOMBWA KUOMBA DUA MVUA INYESHE

 Afisa Elimu Wilaya ya Same, Amri Msemo amewaomba waumini wa dini zote kufanya Dua kwa ajili ya kupata mvua. 

Amesema hayo kwenye sherehe ya Maulid iliyofanyika Same akiwa amemwakilisha Mkuu wa Wilaya ya Same, Edward Mpogolo, amewaomba watanzania kwa ujumla kufanya ibada kwa ajili ya kumuomba Mungu awezeshe kupata mvua itakayoleta faida kubwa kwenye kilimo na wananchi kupata mazao. 

Aliendelea kusema hali ya mvua kutonyesha ni hali ya mabadiliko ya Tabia  nchi kama watalaamu wetu wanavyosema  kikubwa maombi yanahitajika kumuomba Mungu aweze kutujalia mvua. 

Aidha, aliendelea kuwaomba  Wananchi kwa ujumla na madhehebu ya Dini tofauti kuendelea kumuombea Dua kiongozi wa nchi Rais Dkt Samia Suluhu Hassan anayembana  kwa ajili ya Taifa na wananchi wake kuhakikisha wanapata maisha bora kwenye sekta zote afya,elimu na maji.