DK. MWINYI AAHIDI KUFANYA MAGEUZI CCM ATAKAPOSHIKA UMAKAMU WA MWENYEKITI WA CCM Z'BAR

Mjumbe wa Kamati Kuu ya Halashauri Kuu ya Taifa ya Chama Cha Mapinduzi (CCM), Rais wa Zanzibar na Mwenyekiti wa Baraza la Mapinduzi  Dk. Hussein Mwinyi, amesema anatarajia kufanya mageuzi makubwa ndani ya chama atakaposhika hatamu ya Makamu Mwenyekiti wa CCM Zanzibar.

 

Ameyasema hayo leo kwenye uchaguzi wa nafasi mbalimbali za Uongozi wa chama katika ngazi ya Wilaya ya Amani uliofanyika kwenye Ukumbi wa Amani Mkoa uliopo Mkoa wa Mjini Magharibi.

 

Dk.Mwinyi amesema zimebaki hatua mbili za uchaguzi ndani ya chama ikiwemo Mkoa na Taifa ili kufanya mabadiliko ya uongozi ambapo baada ya kukamilika hatua hizo na kuwa Makamu Mwenyekiti amebainisha kuyafanya mageuzi.

Dk. Hussein Mwinyi.