ZAIDI YA SH. BIL 3 ZATUMIKA UBORESHAJI MIUNDOMBINU YA BARABARA MUSOMA VIJIJINI

 

Makatapila yakiendelea na kazi ya kuboresha baadhi ya barabara Musoma Vijijini.

WANAVIJIJI wa Jimbo la Musoma Vijijini wameendelea  kutoa SHUKRANI NYINGI na za DHATI kwa SERIKALI na kwa RAIS SAMIA SULUHU HASSAN kwa kuendelea kutoa FEDHA za kuboresha MIUNDOMBINU ya BARABARA Vijijini mwao.

Zaidi ya shilingi bilioni 3.1 kutoka vyanzo mbalimbali vya fedha za serikali  zilizopelekwa Musoma Vijijini zinaendelea kutumika kuboresha miundombinu ya barabara jimboni humo.

Hadi sasa FEDHA zilizowafikia kutoka Serikalini ni kama ifuatavyo:

A - Fedha za Bajeti ya Maendeleo ya Mwaka 2021/2022 

Jumla Tsh MILIONI 650

B - Fedha za Jimbo

Jumla Tsh MILIONI 500

C - Fedha za Tozo

Jumla Tsh BILIONI 2

Baadhi ya barabara zinazoendelea kuboreshwa ni barabara ya kilomita 5 ya kutoka barabara kuu ya Musoma-Makojo-Busekera kwenda Kijijini Nyasaungu hadi kwenye S/M Nyasaungu

TAARIFA kutoka:

*Ofisi ya TARURA (W)

Musoma

*Ofisi ya Mbunge

Jimbo la Musoma Vijijini

www.musomavijijini.or.tz

22.2.2022