RAIS SAMIA AMTUMIA SALAM ZA POLE MKUU WA MAJESHI JENERALI MABEYO KUFUATIA KIFO CHA WAZIRI WA ULUNZI NA JKT ELIAS KUANDIKWA

 Na Mwandishi Maalum

Rais wa Jamhuri ya Muungano wa Tanzania, Samia Suluhu Hassan, ametuma salamu za pole kwa Mkuu wa Majeshi ya Ulinzi nchini, Jenerali Venance Mabeyo, kufuatia kifo cha Waziri wa Ulinzi na Jeshi la Kujenga Taifa Elias John Kwandikwa kilichotokea  tarehe 02 Agosti, 2021 Jijini Dar es Salaam.

Taarifa ya Ikulu imesema leo kwamba Rais Samia amesema amepokea kwa masikitiko taarifa za kifo cha Kwandikwa ambaye ni Mbunge wa Jimbo la Ushetu mkoani Shinyanga kutokana na mchango wake mkubwa katika utumishi wa umma.

“Tumempoteza mtu muhimu ambaye mchango wake katika utumishi wa umma hautasahaulika, Kwandikwa alikuwa kiongozi shupavu ambaye alikuwa akitekeleza majukumu yake kwa kuzingatia sheria na taratibu," amesema Rais Samia.

Taarifa hiyo imesema, Rais Samia amemtaka Mkuu wa Majeshi ya Ulinzi Jenerali Venance Mabeyo kufikisha salamu zake za pole kwa familia ya Marehemu, ndugu, jamaa, marafiki na watu wote walioguswa na msiba huo.

Rais Samia Suluhu Hassan