RAIS DK. MAGUFULI AMTUMBUA MKURUGENZI WA MANISPAA YA KINONDONI ARON KAGURUMJULI, AAHIDI KUTEUA MWINGINE BAADAYE

Aron Titus Kagurumjuli

Ikulu, Dar es Salaam.

Rais wa Jamhuri ya Muungano wa Tanzania Dk. John Pombe Magufuli ametengua uteuzi wa Mkurugenzi wa Manispaa ya Kinondoni Mkoani Dar es Salaam Aron Titus Kagurumjuli.

Taarifa iliyotolewa na Kurugenzi ya Mawasiliano ya Rais Ikulu jijini Dar es Salaam, imesema Rais Magufuli ametengua uteuzi huo kuanzia tarehe 16 Februari, 2021,  na Uteuzi wa Mkurugenzi mwingine wa Manispaa hiyo utafanywa baadaye.