RAIS DK. MAGUFULI AMTEUA ALIYEKUWA KATIBU MKUU WA CCM DK. BASHIRU ALLY KUWA KATIBU MKUU KIONGOZI PIA KUWA BALOZI WA TANZANIA

Dk. Bashiru Ally

Ikulu, Dar es Salaam.

Rais Dk. John Magufuli amemteua aliyekuwa Katibu Mkuu wa Chama Cha Mapinduzi (CCM) Dk. Bashiru Ally Kakurwa kuwa Katibu Mkuu Kiongozi na pia amemteua kuwa Balozi.

Dk. Bashiru Ally Kakurwa anachukua nafasi ya Balozi Mhandisi John William Hubert Kijazi aliyefariki dunia Februari 17, 2021.

Taarifa iliyotolewa na Mkurugenzi wa Mawasiliano ya Rais, Ikulu jijini Dar es Salaam, Gerson Msingwa imesema uteuzi huo unaanza  Februari 26, 2021 na ataapishwa kesho saa 3:00 asubuhi Ikulu, Jijini Dar es Salaam.