KOMRED MPOGOLO AWAONGOZA WAOMBOLEZAJI MAZISHI YA MWENYEKITI WA CCM MKOA WA SIMIYU

Naibu Katibu Katibu mkuu wa CCM  Rodrick Mpogolo amewaongoza maelfu ya Wananchi na na Wanachama wa CCM katika mazishi ya aliekuwa Mwenyekiti wa CCM mkoa wa Simiyu na Mjumbe wa Halimashauri kuu ya Taifa Enock Yakobo Mwigulu yaliofanyika hii leo ktk eneo la Mwanu'hzi wilayani Meatu, mkoani Simiyu.

                                   

Katika salamu zake za pole kwa wafiwa na familia, Mpogolo amemuelezea Marehemu Mzee Enock kuwa alikuwa ni mtu mwenye busara,mchapa kazi na askari wa mstari wa mbele wa CCM ktk nyakati zote.Hivyo amewaomba viongozi na wanachama kumuenzi kwa vitendo.                           

Mazishi hayo pia yamehudhuriwa na Mlezi wa mkoa wa Simiyu,Mwenyekiti wa UVCCM Taifa na mjumbe wa Kamati kuu  Kheri James, Wenyeviti wa mikoa,WaNEC,Wakuu wa mikoa na wilaya,Viongozi wachama na jumuiya,viongozi wa dini,watumishi wa umma na wananchi kutoka Maeneo mbali mbali  ya Nchi.