DKT BASHIRU ATOA SALAMU ZA RAMBIRAMBI ZA CCM KWA MAREHEMU NDITIYE, AELEZEA ALIVYOFANYA NAYE KAZI+video

Katibu Mkuu wa CCM, Dkt Bashiru Ali akitoa heshima za mwisho kwa mwili wa aliyekuwa Mbunge wa Muhambwe (CCM), kwenye viwanja vya Bunge, Dodoma leo Februari 13,2021.Marehemu Nditiye  alifariki dunia  katika Hospitali ya Benjamin Mkapa jijini Dodoma, Februari 12, 2021. PICHA NA RICHARD MWAIKENDA

Dkt Bashiru akitoa salamu za rambirambi

 KATIBU Mkuu wa Chama Cha Mapinduzizi (CCM), Dkt. Bashiru Ali leo ameshiriki kutoa heshima za mwisho kwa mwili wa aliyekuwa Mbunge wa Jimbo la Muhambwe mkoani Kigoma, marehemu Injinia Atashasta Nditiye katika viwanja vya Bunge Dodoma.

Ameelezea jinsi alivyofanya naye kazi kwa karibu na kumjua wakati wa kampeni za uchaguzi mdogo Jimbo la Buyungu 2018, pia akiwa Naibu Waziri wa Ujenzi, Mawasiliano na Uchukuzi. Amewapa pole wabunge, wananchi wa Muhambwe, familia ya marehemu, ndugu, jamaa na marafiki wa marehemu na kumuombea kwa Mungu ailaze roho yake mahali pema peponi. Imeandaliwa na Richard Mwaikenda Mhariri Blog ya Taifa ya CCM 075426420