MBUNGE WA MOMBA SICHALWE ANG’AKA KUKUTA MOCHUARI IMEGEUZWA STOO+video

UONGOZI wa Kituo cha Afya cha Ndalambo, Wilaya ya Momba mkoani Songwe, umekigeuza chumba cha kuhifadhia maiti kuwa stoo ya muda.

Kituko hicho cha kusikitisha kiligunduliwa  hivi karibuni na Mbunge wa Jimbo la Momba, Condester Sichalwe akiwa katika ziara ya kukagua miundombinu  katika kituo hicho cha Afya.

Alipoingia kwenye chumba hicho cha kuhifadhia maiti alishangaa kukuta kimejazwa mifuko ya saruji na vitu vingine visivyofaa kuwemo humo.

Alipoona hivyo alimhoji Mganga Mkuu wa Kituo hicho kuhusu kitendo hicho kisicho cha kistaarabu, kuwa endapo ajali ingetokea  afe hata mtu mmoja, maiti wangeiweka wapi?!!! , alijibu kirahisi kuwa wangeviondoa vitu hivyo.

Mazingira ya chumba hicho hayakuridhisha kwani hata kitanda kilichomo humo kilikuwa kimegubikwa na mifuko ya saruji na takataka zingine huku sinki likiwa na maji machafu yanayoonekana yamekaa kwa muda mrefu.

Mbunge Sichalwe alionekana kutopendezwa kabisa na hali aliyoikuta kwenye chumba hicho,  kiasi cha kumjia juu Mganga Mkuu wa Kituo kwa kutokuwa makini  na kazi yake.

Ndugu mdau kwa kisa hiki cha kustaajabisha naomba uendelee kumsikiliza na kumuona Mbunge Sichalwe kupitia clip hii ya video  jinsi alivyokerwa baada kukuta hali hiyo.