WAZIRI MKUU MAJALIWA ACHUKUA FOMU ZA KUOMBA KUWANIA UBUNGE

 Waziri Mkuu, Kassim Majaliwa akifurahia jambo wakati akirejesha fomu za kugombea tena ubunge wa Jimbo la Ruangwa kwenye ofisi ya CCM ya wilaya ya Ruangwa baada ya kuzichukua na kuzijaza Julai 15, 2020. Kushoto ni Mkewe Mary Majaliwa.

WAZIRI MKUU Kassim Majaliwa leo (Jumatano, Julai 15, 2020) amechukua fomu ya kuwania tena ubunge wa jimbo la Ruangwa, wilayani humo, mkoani Lindi.

Waziri Mkuu ambaye alizijaza fomu hizo akiwa ofisini hapo na kuzirudisha kwa Katibu wa CCM wa Wilaya ya Ruangwa, Bw. Barnabas Essau, pia alilipa fedha taslimu sh. 100,000 zikiwa ni ada ya kuchukua fomu hizo.

Waziri Mkuu aliambatana na mkewe Mama Mary Majaliwa.

Chama Cha Mapinduzi (CCM) kilitoa ratiba ya kuwapata wagombea ubunge, udiwani na viti maalumu kwa ajili ya uchanguzi mkuu wa mwaka 2020 ambapo wagombea wa nafasi hizo walitakiwa kuchukua fomu kuanzia Julai 14, 2020 na kuzirejesha Julai 17, mwaka huu saa 10.00 jioni.

(mwisho)

IMETOLEWA NA:

OFISI YA WAZIRI MKUU,

JUMATANO, JULAI 15, 2020.