CCM KUTOGAWA SARE ZA BURE UCHAGUZI MKUU UJAO, WATAKAOZITAKA WATANUNUA WENYEWE

Katibu Mkuu wa Chama Cha Mapinduzi (CCM), Dk. Bashiru Ally (Pichani), amesema chama hakitatoa tena sare za bure kama tisheti kwa wanachama wake wakati wa uchaguzi mkuu utakaofanyika mwakani, badala yake  watakaozihitaji watalazimika kujinunulia wenyewe safe hizo.

Utaratibu huo ambao Dk. Bashiru amesema ni maelekezo ya Mwenyekiti wa CCM Rais Dk. John Magufuli utakuwa ni mpya tofauti na chaguzi zilizopita ambapo CCM ilikuwa ikitoa sare nyingi za bure kwa wanachama na mashabiki wake.

Dk. Bashiru amesema hatua hiyo inalenga kupunguza matumizi kwa kuwa CCM imejipanga kutumia gharama ndogo katika uchaguzi huo.