RIPOTI YA UN: MAELFU YA WATU WAMEKUWA WAKIMBIZI AL HUDAYDAH, YEMEN

Umoja wa Mataifa umeripoti kuwa familia 35,000 za wakazi wa mkoa wa al Hudaydah magharibi mwa Yemen wamekuwa wakimizi kufuatia mashambulizi yananywa na muungano vamizi unaoongozwa na Saudi Arabia nchini humo.

Ripoti mpya iliyotolewa na Ofisi ya Umoja wa Mataifa ya Kuratibu Masuala ya Kibinadamu nchini Yemen imeeleza kuwa karibu familia elfu 35 katika mkoa wa al Hudaydah wamekuwa wakimbizi na ni karibu watu elfu 20 miongoni mwao pekee ndio waliopokea misaada ya kibinadamu. 

Ripoti hiyo imetolewa na ofisi hiyo ya Umjoja wa Mataifa kwa kushirikiana na kundi la wanaharakati wa masuala ya kibinadamu baada ya kushuhudia hali mbaya ya raia huko Yemen kuanzia tarehe 4 hadi 13 mwezi huu wa Julai. Ripoti hiyo aidha imeashiria mashambulizi ya makombora na ya anga yanayoendelea kufanywa na Saudi Arabia katika maeneo mawili ya raia huko al Tuhaita na Zubaid katika mkoa wa al Hudaydah.

Saudi Arabia inaendelea kushambulia makazi ya raia Yemen

Wakati huo huo imebainika kuwa shughuli za bandari mbili za al Hudaydah na al Salif zinaendelea ingawa njia za kuelekea kwenye bandari na uwanja wa ndege wa mji huo zingali zimefungwa.  

Saudi Arabia ikiungwa mkono na Marekani, Imarati na nchi kadhaa waitifaki wake, Machi 26 mwaka 2015 ilianzisha uvamizi wa kijeshi huko Yemen na kuizingira nchi hiyo baharini, nchi kavu na majini.