PICHA ILIYOBAMBA MKUTANO WA DK NCHIMBI USAGARA

 Wasanii wa kikundi cha ngoma ya jadi wakisikiliza kwa makini wakati Katibu Mkuu wa Chama Cha Mapinduzi (CCM), Dk Emmanuel Nchimbi akihutubiwa wakati msafara wake uliposimama kuwasalimia wananchi eneo la Usagara, Misungwi akiwa njiani kutoka Sengerema kwenda Mwanza Mjini Agosti 14, 2024. 

Dk Nchimbi ameanza ziara yake leo ya siku mbili  katika Mkoa wa Mwanza, baada ya kumaliza ziara ya siku tatu katika Mkoa wa Kagera.

.Malengo ya ziara hiyo ni; Kukagua utekelezaji wa Ilani ya Uchaguzi ya CCM ya mwaka 2020-2025, kuhuisha uhai wa chama, kusikiliza na kutatua kero za wananchi pamoja na kuhamasisha wananchi kujitokeza kuhakiki taarifa zao na kujiandikisha katika Kitabu cha Kudumu cha Wapiga kura, kwa ajili ya maandalizi ya Uchaguzi wa serikali za mitaa Novemba mwaka huu.

Balozi Dk. Nchimbi, kwenye hiyo ziara ameambatana na Katibu wa Halmashauri Kuu ya CCM Taifa (NEC) - Oganaizesheni, Issa Haji Usi Gavu, Katibu wa NEC - Itikadi, Uenezi na Mafunzo, Amos Makalla, Katibu wa NEC - Siasa na Uhusiano wa Kimataifa, Rabia Abdallah Hamid.

PICHA NA RICHARD MWAIKENDA