DK NCHIMBI KUPIGA HODI GEITA, KUZURU KABURI LA HAYATI MAGUFULI

 Katibu Mkuu wa Chama Cha Mapinduzi (CCM), Balozi DK. Emmanuel Nchimbi Leo ziara yake inaendekea mkoani Geita baada ya kumaliza.Mkoa wa Kagera.

Baada ya kufanya mkutano wa hadhara Muleba Mjini, atasalimia wananchi katika Mji wa Muganza ambapo ataagana na viongozi wa Mkoa Kagera, msafara wake utaingia Mkoa wa Geita kupitia Wilaya ya Chato ambapo DK Nchimbi atazuru kaburi la aliyekuwa Rais wa Awamu ya Tano Hayati John Magufuli.

Akishazuru Kaburi DK Nchimbi alasiri  atahutubia mkutano mkubwa wa hadhara Chato Mjini.

Malengo ya ziara hiyo ni; Kukagua utekelezaji wa Ilani ya Uchaguzi ya CCM ya mwaka 2020, kuhuisha uhai wa chama, kusikiliza na kutatua kero za wananchi pamoja na kuhamasisha wananchi kujitokeza kuhakiki taarifa zao na kujiandikisha katika Kitabu cha Kudumu cha Wapiga kura, kwa ajili ya maandalizi ya Uchaguzi wa serikali za mitaa Novemba mwaka huu.

Katika ziara hiyo Dk. Nchimbi ameambatana na Katibu wa NEC-Itikadi, Uenezi na Mafunzo Ndg. Amos Makalla, Katibu wa NEC-Oganaizesheni Ndg. Issa Ussi Haji (Gavu) pamoja na Katibu wa NEC- Siasa na Uhusiano wa Kimataifa Ndg. Rabia Abdallah Hamid.

IMEANDALIWA NA RICHARD MWAIKENDA -0754264203