MZEE MAKAMBA AMPONGEZA BALOZI DK. NCHIMBI KUWA KATIBU MKUU WA CCM, AMZAWADIA SHATI LA CCM

Katibu Mkuu mstaafu wa Chama Cha Mapibduzi (CCM) Mzee Yussuf Makamba amempongeza Katibu Mkuu wa CCM Balozi Dk. Emmanuel Nchimbi kwa kuaminiwa kukiongoza Chama katika nafasi ya ukatibu Mkuu.

Mzee Makamba ametoa pongezi hizo, Balozi Dk. Nchimbi, alipomtembelea nyumbani kwake jijini Dar es Salaam kumjulia hali,  jana, Aprili Mosi, 2024.

Akimpongeza na kumtakia heri kwenye majukumu hayo mapya, Mzee Makamba alimzawadia Balozi Dk. Nchimbi shati la sare ya CCM ikiwa ni ishara ya kifaa cha kazi, ambapo Katibu Mkuu huyo wa CCM, alipokea pongezi na kumshukuru kwa zawadi hiyo.

"Chini ya Mwenyekiti Rais Samia na Makamu Kinana nina uhakika utafanya kazi njema sana", akasema Mzee Makamba.