LIGI YA MABINGWA ULAYA: ARSENAL, MAN CITY ZITAIBEBA ENGLAND?

LONDON, England
Ligi ya Mabingwa Ulaya inaingia hatua ya robo fainali kesho Aprili 9, 2024 kwa miamba ya England, Arsenal na Manchester City kucheza mechi zao za mkondo wa kwanza.

Arsenal itakayokuwa Emirates, inaialika Bayern Munich katika mchezo ambao Arsenal ina faida ya mashabiki kwani mashabiki wa Bayern Munich kama kuona mechi hiyo watakuwa wachache.

Kocha wa Bayern Munich, Thomas Tuchel amesema kuwa anaiheshimu Arsenal FC na kocha wake Mikel Arteta ambaye ameijenga timu imara na yenye ushindani.

Amesema pamoja na pongezi hizo, lakini hazimpi wasiwasi kwa kuwa soka linachezwa uwanjani na ni dakika 90.

Kocha huyo amesema mshambuliaji wake aliyewahi kukipiga, Bayer Leverkusen na, Chelsea, Kai Havertz ataongoza mashambulizi dhidi ya Gunners ambao wamejipanga kuwakabili Bavarian.

The Gunners itaingia uwanjani kuikabili timu hiyo ya Ujerumani ikiwa na Nahodha wa timu ya Taifa, England, Harry Kane ambaye si mgeni na dimba la Emirates.

Kane alitimkia Ligi ya Bundesliga akitokea Tottenham anarudi nyumbani katika uwanja aliouzoea lakini safari hii akiwa na timu tofauti na Totts.

Kwa upande mwingine, Manchester City itakuwa ugenini kuwafuata mabingwa mara 14 wa Ulaya Real Madrid.

Manchester City na Arsenal zimepenya England kwa mechi za mkondo wa kwanza Aprili 9 na 10 wakati mechi za marudiano ni Aprili 16-17.

Endapo Arsenal na City zitashinda mechi zao zote, zitakutana kwenye nusu fainali zenyewe.

Katika mechi nyingine, mabingwa mara tano, Barcelona itakwaana na Paris St-Germain, wakati miamba mingine ya Hispania Atletico Madrid, itaialika Borussia Dortmund ya Ujerumani.

Mechi za nusu fainali zitafanyika kati ya Aprili 30 na Mei 1 wakati mechi za marudiano zitapigwa Mei 7 na 8 mwaka huu.

Aidha fainali itachezwa kwenye Uwanja wa Wembley Jumamosi ya Juni 1 mwaka huu.

Arsenal imeingia hatua hiyo kwa mara ya kwanza tangu 2010 baada ya kuichapa FC Porto kwa changamoto ya mikwaju ya penalti.

Itakumbukwa The Gunners walipoteza kwa Bayern kwa jumla ya mabao 10-2 msimu wa 2016-17 ikipigwa 5-1 nje ndani.

Man City ilitinga hatua hiyo baada ya kuwatoa Copenhagen kwa jumla ya mabao 6-2.