CHONGOLO: TUSIHANGAIKE NA WENYE HILA, TUJIKITE KUTATUA CHANGAMOTO ZA WANANCHI+video

Katibu Mkuu wa CCM, Komredi Daniel Chongolo amesema kuwa wenye hila wapinga maendeleo hawakuanza leo, walianza muda mrefu kwa kupinga ujenzi wa Bwawa la Umeme la Kihansi na Mto Malagarasi kwa kisingizio cha maeneo hayo kuwepo aina fulani ya vyura ambavyo walidai havipo duniani hivyo miradi isijengwe ili wahifadhiwe vyura hao, nasi hatukukubal tukasonga mbele na ujenzi.

Pia walitaka kukwamisha miradi mingine ya Reli ya kisasa ya SGR, Bomba la mafuta ghafi kutoka Uganda hadi Tanga na ujenzi wa bwawa la Mwalimu Nyerere na hivi sasa wanapinga uwekezaji wa Bandari.

Amewataka viongozi kuacha kuhangaika na  wenye hila nao bali wajikite katika kutatua changamoto za wananchi. 

Chongolo ameyasema hayo katika mkutano wa hadhara kwenye Uwanja wa CCM Kirumba jijini Mwanza Julai 30, 2023, wenye lengo la kuilimisha jamii kuhusu usahihi wa uwekezaji wa Bandari ya Dar es Salaam.

IMEANDALIWA NA RICHARD MWAIKENDA MHARIRI BLOG YA TAIFA YA CCM 0754264203