MWENYEKITI WA UWT CHATANDA AIPONGEZA NACHINGWEA KWA KUTEKELEZA VEMA ILANI YA CCM

Na Fredy Mgunda, Nachingwea

UMOJA wa Wanawake Tanzania (UWT) umepongeza uongozi wa wilaya ya Nachingwea Kwa kutekeleza miradi vizuri kulingana na maelekezo ya Ilani ya Uchangzui ya Chama Cha Mapinduzi (CCM).

Akizungumza wakati akikagua utekelezaji wa Ilani ya CCM Mwenyekiti wa UWT Merry Chatanda alisema amekagua miradi ya maji, ujenzi wa magengo mapya katika hospital ya Nachingwea pamoja, ujenzi Ofisi ya CCM wilaya Nachingwea na mradi wa kimaendeleo wa UWT Nachingwea, ameiona inaendana na thamani ya fedha iliyotumika.

Chatanda alisema serikali ya wilaya ya Nachingwea inayoongozwa na Mkuu wa wilaya hiyo Mohamed Hassan Moyo, imekuwa makini kwa kufanyakazi Kwa umakini mkubwa na pia CCM wilaya hiyo inafanya kazi vizuri na kwa ushirikiano mkubwa na serikali  wilayani na kuleta maendeleo ya wananchi kama ambavyo ameona.

Mwenyekiti Chatanda alisema Rais Dk. Samia Suluhu Hassan anafanya kazi kubwa hivyo wananchi na Wanachama wa CCM wanatakiwa kumsemea mema anayoyafanya kwa kuwa wapo wanaombeza kwa sababu hawayajui.

Mwenyekiti wa UWT Merry Chatanda katika akiongea mara baada ya kukagua mradi wa RUWASA wilaya ya Nachingwea mkoani Lindi na kuridhika na mchakato wake

Viongozi mbalimbali wakiongozwa na mwenyekiti wa UWT taifa Merry Chatanda wakikagua kichomea taka katika hospitali ya wilaya ya Nachingwea

Viongozi mbalimbali wakiongozwa na mwenyekiti wa UWT taifa Merry Chatanda akipata maelezo kutoka kwa mhandisi wa RUWASA Nachingwea Sultan Ndolwa akielezea namna ambavyo serikali ya awamu ya sita ikiwa na nia ya kumtua mwanamke ndoo kichwani.