DKT MPANGO ATAKA VIJANA WANAOZURURA WAPELEKWE JKT KUJIFUNZA BURE KILIMO

Makamu wa Rais, Dkt. Philip Mpango akitoa agizo hilo kwa Mkuu wa Mkoa wa Dodoma.

 Dkt.Mpango akipata maelezo kutoka kwa mtaalamu wa Kilimo wa JKT, kuhusu faida ya Kilimo alipokagia mifano ya bustani za mazao yanayozalishwa na Jeshi hilo.

Na Richard Mwaikenda,DODOMA

Makamu wa Rais, Dkt. Philip Mpango amemwagiza Mkuu wa Mkoa wa Dodomat, Rosemary Senyamule kuwapeleka vijana Jeshi la Kujenga Taifa (JKT) kupata mafunzo bure ya kilimo cha kisasa.

Ametoa agizo hilo baada ya kufurahishwa na kilimo cha mazao ya bustani alipotembelea bustani za mfano wakati wa ufunguzi wa Maonesho ya Kilele cha Maadhimisho ya Miaka 60 ya kuanzishwa kwa JKT kwenye viwanja vya Suma JKT jijini Dodoma.

"Mkuu wa Mkoa si vizuri kuwaacha vijana wanazurura zurura hovyo barabarani bila kazi, wakusanye wapeleke JKT wakajifunze mambo ya kilimo na ufugaji wajiongezee kipato" amesisitiza Dkt Mpango.