RAIS DK. MWINYI AMUAPISHA NAIBU CAG ZANZIBAR AAPISHWA, LEO

Rais wa Zanzibar na Mwenyekiti wa Baraza la Mapinduzi Dk.Hussein Ali Mwinyi amemwapisha Dkt .Said Khamis Juma kuwa Naibu Mdhibiti na Mkaguzi Mkuu wa Hesabu za Serikali ya Mapinduzi ya Zanzibar.

Hafla hiyo ya uapisho imefanyika Ikulu Zanzibar kabla ya kuanza kikao cha Tume ya Mipango.

Rais Dk. Mwinyi ameendelea kuweka msisitizo katika kuimarisha utawala bora, uwazi, na uwajibikaji katika Serikali ya Mapinduzi ya Zanzibar, lengo likiwa ni kuhakikisha ufanisi wa matumizi ya rasilimali za umma.

Dkt.Said Khamis Juma Naibu Mdhibiti na Mkaguzi wa Hesabu za Serikali  atamsaidia Dkt.Othman Abbas Ali Mdhibiti na Mkaguzi Mkuu wa Hesabu za Serikali Zanzibar kuhakikisha  matumizi ya fedha za umma yanafanyika kwa uwazi, ufanisi, na kwa mujibu wa taratibu na kanuni zilizopo.