MAAFISA HABARI, MAWASILIANO NA UHUSIANO WA SERIKALI YA MAPINDUZI ZANZIBAR WATEMEBELA OFISI ZA WCF

 

NA K-VIS BLOG/KHALFAN SAID

MAAFISA Habari na Mawasiliano kutoka Serikali ya Mapinduzi Zanzibar, wakiongozwa na Mkurugenzi wa Idara ya Habari Maelezo, Bw. Hassan Khatib Hassan wametembelea Ofisi za Mfuko wa Fidia kwa Wafanyakazi (WCF) jijini Dar es Salaam kwa lengo la kujifunza shughuli zinazotekelezwa na Mfuko huo.

Akiwakaribisha kwenye ofisi za Mfuko, Mkurugenzi Mkuu wa WCF, Dkt. John Mduma alisema Mfuko umefurahi kutembelewa na Maafisa hao na ujio wao ni muendelezo wa ziara kama hizo zilizowahi kufanywa na viongozi na baadhi ya taasisi za Serikali ya Mapinduzi Zanzibar.

“Nakumbuka wakati mnajiandaa kuwa na chombo kama hiki, tulipokea ujumbe wa Kamati ya Kudumu ya Sheria Ndogo Baraza la Wawakilishi, Mheshimiwa Waziri anayeshughulikia masuala ya Kazi, Katibu Mkuu lakini pia Maafisa wa Shirika la Hifadhi ya Jamii Zanzibar (ZSSF), hivyo kwa kutambua uzito huo huo mtakutana na wataalamu wetu ili wawapitishe muone jinsi tunavyotekeleza shughuli zetu.” Alisema Dkt. Mduma.

Akifafanua zaidi Mkuurgenzi wa Hudma za Tathmini WCF, Dkt. Abdulsalaam Omar, alisema WCF ina Dira (vision) ya kuwa mfano wa kuigwa katika utoaji wa huduma ya fidia kwa wafanyakazi barani Afrika.

“Vielelezo vinavyoonyesha maono haya tunayatekeleza ni jinsi ambavyo mataifa mengi yamekuwa yakipata sifa za utendaji bora wa Mfuko kupitia Shirika la Kazi Duniani (ILO), na hivyo kuvutiwa kuja kwetu kujifunza na tayari tumepokea ugeni kutoka Kenya, Zambia, Afrika Kuisni Botswana na tumepokea maombi ya mataifa mengine ya Ethiopia na Eswatini wote wakitaka kuja kujifunza kutoka kwetu.” Alifafanua Dkt. Omar.

Kwa upande wake, Mkurugewnzi wa Idara ya Habari Maelezo Zanzibar, Bw. Hassan Khatib Hassan aliushukuru Mfuko kwa kuwapokea na kuwapatia elimu ambayo imewafungua ya fidia kwa wafanyakazi

“Tuliyoyapata ni zaidi ya yale tulioyatarajia, nichukue fursa hii kuwashukuru sana na niahidi kwamba yote tuliojifunza tutayafanyia kazi na tutapeleka elimu hii kwa wenzetu ili na wao wapate uelewa wa kile tulichojifunza.” Alisema Hassan.

Pamoja na kupata elimu kuhusu Sheria ya Fidia kwa Wafanyakazi [Sura 263 marejeo ya mwaka 2015] maafisa hao pia walielimishwa kuhusu uendeshaji wa mfuko, namna ya ulipaji mafao ya fidia lakini pia Mkuu wa Kitengo cha Uhusiano Bi. Laura Kunenge aliwaeleza jinsi Mfuko unavyowasiliana na Umma kupitia majukwaa mbalimbali ikiwemo mikutano, semina na makongamano, machapisho, vyombo vya habari vya televisheni, redio, magazeti, na mitandao ya kijamii.

Mkurugenzi wa Muko wa Fidia kwa Wafanyakazi (WCF) Dkt. John Mduma (kushoto) akifurahia jambo na Mkurugenzi wa Idara ya Habari MAELEZO, Zanzibar, Bw. Hassan Khatib Hassan, wakati wa ziara ya Maafisa Habari na Mawasiliano kutoka Taasisi za Serikali ya Mapinduzi Zanzibar waliotembelea Ofisi za WCF jijini Dar es Salaam Juni 23, 2023.

Baadhi ya Maafisa hao waliotembelea ofisi za WCF.

Mkurugenzi wa Mfuko wa Fidia kwa Wafanyakazi (WCF) Dkt. John Mduma akizungumza na Maafisa hao

Mkuurgenzi wa Hudma za Tathmini WCF, Dkt. Abdulsalaam Omar, akielezea tathmini za madai ya fidia.

Baadhi ya Maafisa hao

Mkuu wa Kitengo cha Uhusiano WCF, Bi. Laura Kunenge, akielezea majukumu ya Kitengo hicho katika suala la uhusiano kwa umma.

Afisa Mwandamizi wa Huduma za Sheria WCF, Bw. Deogratius Ngowi akizungumzia Sheria iliyoanzisha Mfuko wa Fidia kwa Wafanyakazi.

Afisa Matekelezo Mwandamizi WCF, Bw. Blasius Lembo akizungumzia taratibu za madai ya fidia

Mkurugenzi wa Huduma za Tathmini WCF, Dkt. Abdulsalaam Omar (kushoto), kwa niaba ya Mkurugenzi Mkuu WCF, akimkabidhi Mkurugenzi wa Idara ya Habari MAELEZO, Zanzibar, Bw. Hassan Khatib Hassan, kitabu cha Sheria ya Fidia kwa Wafanyakazi [Sura 263 marejeo ya mwaka 2015]