BUNGE LAWAKARIBISHA WADAU KWENDA KUTOA MAONI

 Kamati ya Kudumu ya Bunge ya Utawala, Katiba na Sheria imepanga kupokea maoni  ya wadau kuhusu Muswada wa Sheria ya Marekebisho ya Sheria Mbalimbali wa  Mwaka 2023 (The Written Laws (Miscellaneous Amendments) Act, 2023, Muswada  wa Sheria ya Tume ya Mipango wa Mwaka, 2023 (The Planning Commission Bill,  2023) na Muswada wa Sheria ya Marekebisho ya Sheria Mbalimbali yatokanayo na  Urekebu wa Sheria wa Mwaka 2023 (The Laws Revision (Miscellaneous  Ammendments) Bill, 2023) kwa mujibu wa Kanuni ya 97(2) ya Kanuni za Kudumu za  Bunge, Toleo la Februari, 2023. 

Mkutano wa kupokea na kusikiliza maoni ya wadau (Public Hearing) utafanyika  siku ya Jumamosi na Jumapili tarehe 27 – 28 Mei, 2023 saa 4:00 asubuhi  katika Ukumbi wa Utawala, Katiba na Sheria, Ghorofa ya 5 Jengo la  Utawala, Ofisi ya Bunge Jijini Dodoma. 

Kamati inawaalika watu wote wenye maoni kuhusu Miswada hiyo kufika na  kuwasilisha maoni yao kabla haujapelekwa katika hatua nyingine.  

Vilevile itapokea maoni kwa njia ya posta au Barua pepe kwa anuani ifuatayo:- 

Katibu wa Bunge, 

Ofisi ya Bunge, 

10 Barabara ya Morogoro, 

S.L.P. 941, 

41105 Tambukareli, 

DODOMA. 

Baruapepe: cna@bunge.go.tz na kamati@bunge.go.tz 

Muswada huo pia unaweza kupakuliwa katika tovuti ya Bunge, www.bunge.go.tz 

Imetolewa na: Kitengo cha Mawasiliano na Uhusiano wa Kimataifa, Ofisi ya Bunge, 

DODOMA. 

24 Mei, 2023.