KINANA AWAASA WAISLAM KUPELEKA WATOTO MADRASA WAKAJIFUNZE IMANI NA MAADILI YA DINI YAO NA KUMJUA ALLAH

Dar es Salaam, leo
Makamu Mwenyekiti wa Chama Cha Mapinduzi (CCM)Tanzania Bara, Kanali Mstaafu Abdulrahman Kinana, amewahimiza Waislamu nchini kuwapeleka watoto wao madrasa wakajifunze imani na maadili ya dini yao ya Kiislam na kumjua Mwenyezi Mungu.

Pia amewaasa Waislamu kuzingatia mafundisho ya Mtume Muhammad (SAW) hususan kuhusu uchamungu na tabia njema.

Kinana ameyasema hayo leo Machi 25, 2023 wakati wa hafla ya mashindano ya Quraani tukufu yaliyoandaliwa na Taasisi ya Faraja Foundation ya jijini Dar es Salaam.

"Tunaagizwa na Quraani, pia tunaagizwa na Mtume wetu (Muhammad - SAW) kuwa kila Muislamu anapaswa kuzingatia mambo mawili la kwanza 'taqwa' (uchamungu) na la pili 'akhlaki' (tabia njema).

"Kwahiyo ukizingatia 'taqwa' ukazingatia na maadili mema hakuna namna utapotoka, itakuwa hakuna haja hata ya sisi kuwa na wasiwasi kwamba maadili mabaya yanaweza yakatupitia," amesema Kinana.

Makamu Mwenyekiti wa Chama Cha Mapinduzi (Bara) Ndg Abdulrahman Kinana akikabidhi Zawadi kwa Ndg. Abdulkarim Bakari Auzi Mshindi wa kwanza Upande wa Juzuu Kumi  Katika  Mashindano ya Saba ya Quran yaliyoandaliwa na Faraja Islamic Foundation yaliyofanyika leo Machi 25 jijini Dar Es Salaam.

 

Makamu Mwenyekiti wa Chama Cha Mapinduzi (Bara) Ndg Abdulrahman Kinana akihutubia katika Mashindano ya Saba ya Quran yaliyoandaliwa na Faraja Islamic Foundation yaliyofanyika leo Machi 25 jijini Dar Es Salaam.(Picha Zote na Fahadi Siraji)