DC DODOMA AIPONGEZA MKURABITA KUANZISHA MAFUNZO YA KUWAJENGEA UWEZO SOKO LA MACHINGA DODOMA+video

Mkuu wa Wilaya ya Dodoma, Jabir Shekimweri akizungumza wakati wa uzinduzi wa mafunzo ya mpango wa urasimishaji na uendelezaji biashara kwa wafanyabiashara wa Soko jipya la Machinga Dodoma Jiji, yaliyoandaliwa na Mpango wa Kurasimisha Rasilimali na Biashara za Wanyonge Tanzania (MKURABITA) katika ukumbi uliopo katika soko hilo Oktoba 6, 2022.

DC Shekimweri ameupongeza uongozi wa MKURABITA wa kuendesha mafunzo hayo na kutoa wito kwa taasisi na wadau kushirikiana kuwaendeleza wamachinga.

Aidha, DC Shekimweri amewataka Mamlaka ya Mapato Tanzania (TRA), kuiga mfano wa MKURABITA kwa kutoa elimu kwa wamachinga kabla ya kuanza kuwatoza kodi kwa nguvu.

Awali, Mkurugenzi Mtendaji wa MKURABITA, Dkt, Seraphia Mgembe alielezea lengo la kuendesha mafunzo hayo kuwa ni: kuwajengea uwezo wa kiuchumi wamachinga, uanzishwaji wa vituo jumuishi vya urasimishaji na uendelezaji biashara, kuunganishwa kwa wadau na uwezeshwaji wa mitaji.

Taasisi zilizoshiriki katika mafunzo hayo ni:Wizara ya Maendeleo ya Jamii, Wizara ya Uwekezaji, Viwanda na Biashara, Ofisi ya Rais- TAMISEMI, Halmashauri ya Jiji la Dodoma, Mamlaka ya Mapato Tanzania (TRA), Mamlaka ya Vitambulisho vya Taifa (NIDA), Mfuko wa Taifa wa Hifadhi ya Jamii (NSSF), Jeshi la Polisi Jamii, Shirikisho la Umoja wa Machinga Mkoa wa Dodoma na Taasisi za Fedha.

Mkurugenzi Mtendaji wa MKURABITA, Dkt, Seraphia Mgembe akielezea lengo la kuendesha mafunzo hayo kuwa ni: kuwajengea uwezo wa kiuchumi wamachinga, uanzishwaji wa vituo jumuishi vya urasimishaji na uendelezaji biashara, kuunganishwa kwa wadau na uwezeshwaji wa mitaji.

Mwenyekiti Msaidizi wa Shirikisho la Machinga Mkoa wa Dodoma, Christian Msumari akitoa shukrani kwa serikali na MKURABITA kwa kuwajali wamachinga.

Afisa wa Jeshi la Polisi Ushirikishwaji Wilaya ya Dodoma, ASP Keneth Muhanga akielezea jinsi ulinzi utakavyokuwa katika soko hilo la Machinga.

Meneja wa Tawi la NMB Benk, Amos Mubusi akielezea jinsi benki hiyo itakavyokuwa karibu na wamachinga katika soko hilo ikiwemo kuwapatia mikopo.

Baadhi ya wadau na viongozi wa Machinga wakihudhuria mafunzo hayo.

Afisa Urasimishaji na Uendelezaji Biashara wa MKURABITA, Zabron Makoye akiendesha mafunzo hayo

Sehemu ya muonekano wa soko jipya la Machinga Dodoma.

Mgeni rasmi, DC Shekimweri akiwa katika picha ya pamoja na watumishi wa MKURABITA.

DC Shekimweri na Dkt Mgembe wakiwa katika picha ya pamoja na wadau mbalimbali waliohudhuria mafunzo hayo.

Mkurugenzi wa Fedha na Utawala wa MKURABITA, Mujungu Kasyenene akimsindika DC Shekimweri baada ya mafunzo kuzinduliwa.

DC Shekimweri akiagana na Dkt Mgembe.

DC Shekimweri akiagana na Mwenyekiti Msaidizi wa Machinga Mkoa wa Dodoma, Msumari.

PICHA ZOTE NA RICHARD MWAIKENDA

Mdau, nakuomba uendelee kusikiliza kupitia clip hii ya video, DC Shekimweri akizindua mafunzo hayo, Dkt Mgembe akielezea lengo la mafunzo hayo na Mmachinga Msumari akitoa shukrani pamoja na Mkurugenzi wa Fedha MKURABITA, Kasyenene akitoa shukrani kwa mgeni rasmi...