SHAKA KUFANYA ZIARA YA KIKAZI KATIKA MKOA WA DAR ES SALAAM, KESHO

Na Bashir Nkoromo, CCM Blog
Katibu wa Halmashauri Kuu ya Taifa (NEC) ya Chama Cha Mapinduzi (CCM), Itikadi na Uenezi Shaka Hamdu Shaka, kesho Mei 25, 2022 atafanya ziara ya kikazi katika mkoa wa Dar es Salaam kukagua maendeleo ya miradi ya kimkakati.

Ratiba iliyotolewa na Idara ya Itikadi na Uenezi kuhusu ziara hiyo, imesema, Shaka ataanza ziara hiyo kwa kukagua hali na maendeleo ya Soko la kisasa la Samaki la Ferry katika Wilaya ya Ilala kuanzia saa 3 hadi saa 4 asubuhi.

Kwa mujibu wa ratiba hiyo, baada ya kutembelea soko hilo la Samaki la Ferry Shaka ataenda kukagua Soko Kuu la Kariakoo kuanzia saa 4 hadi saa 5.30 asubuhi, mradi ambao pia upo Wilayani Ilala.

Ratiba hiyo imeonyesha kuwa akitoka kukagua Soko Kuu la Kariakoo Shaka ataenda katika Wilaya ya Ubungo ambako atatembelea Stendi Kuu ya Mabasi ya Magufuli iliyoko Mbezi nje kidogo ya Jijini la Dar es Salaam, kuanzia saa 5.30 asubuhi hadi saa 7 mchana.

Katika ziara hiyo, Shaka atapata fursa ya kuona hali ya maendeleo ya ujenzi na uendeshaji wa miradi hiyo na kisha kuzungumza na Viongozi, Wanachama wa CCM na Wananchi kwa jumla.

Katibu wa NEC, Itikadi na Uenezi Shaka Hamdu Shaka