SHAKA AMUWAKILISHA RAIS SAMIA MAZISHI YA MSANII MAUNDA, KIGAMBONI JIJINI DAR ES SALAAM

Na Bashir Nkoromo, CCM Blog
Katibu wa Halmashauri Kuu ya Taifa (NEC) ya Chama Cha Mapinduzi (CCM), Itikadi na Uenezi, Shaka Hamdu Shaka, amemuwakilisha Mwenyekiti wa CCM Rais Samia Suluhu Hassan katika mazishi ya Msanii Maunda Zorro, yaliyofanyika Toangoma, Kigamboni Dar es Salaam, jana.

Katika mazishi hayo, Shaka alijumuika na wanafamilia na waombolezaji, ndugu jamaa na marafiki ambapo alipata nafasi ya kuwasilisha salamu za pole na mkono wa rambirambi kutoka kwa Mwenyekiti wa CCM Rais Samia.

"Mheshimiwa Rais Samia yuko safarini, amenituma nifikishe salamu zake za pole kwenu ndugu, familia, jamaa na marafiki sambamba na kuwasilisha mkono wa rambi rambi toka kwake, anatambua kuwa tasnia ya Sanaa imepoteza msanii mahiri ambaye wakati wote wa uhai wake aliitumia Sanaa kufikisha ujumbe, kuburudisha, kuhamasisha na wakati mwingine kuiunganisha jamii kwa ujumbe.

Lakini vilevile sambamba na kuenzi kipaji cha Baba yake, Mwanamuziki Nguli Mzee Zahir Ally Zorro, lakini Maunda akiwa msanii aliyekuwa anachipukia alifanya vizuri sana”, alisema Shaka katika sehemu ya maelezo yake.

Maunda ambaye pia ni Dada yake Mwanamuziki nguli Baba Zorro, amefariki Dunia usiku wa kuamkia juzi, baada ya gari lake kugongana na lori la Mchanga, eneo la Kigamboni, Dar es Salaam.

Katibu wa Halmashauri Kuu ya Taifa (NEC) ya Chama Cha Mapinduzi (CCM), Itikadi na Uenezi, Shaka Hamdu Shaka, akimpa pole Baba Mzazi wa Marehemu Mauda Zorro, Mzee Zahir Ally Zorro, aliposhiriki mazishi yaliyofanyika Toangoma, Kigamboni, Jijini Dar es Salaam, jana.

Katibu wa Halmashauri Kuu ya Taifa (NEC) ya Chama Cha Mapinduzi (CCM), Itikadi na Uenezi, Shaka Hamdu Shaka, akizungumza aliposhiriki mazishi hayo yaliyofanyika Toangoma, Kigamboni, Jijini Dar es Salaam, jana.

Katibu wa Halmashauri Kuu ya Taifa (NEC) ya Chama Cha Mapinduzi (CCM), Itikadi na Uenezi, Shaka Hamdu Shaka, akizungumza na Kiongozi wa ACT- Wazalendo Zitto Kabwe, walipokutana kwenyei mazishi hayo yaliyofanyika Toangoma, Kigamboni, Jijini Dar es Salaam, jana.

Katibu wa Halmashauri Kuu ya Taifa (NEC) ya Chama Cha Mapinduzi (CCM), Itikadi na Uenezi, Shaka Hamdu Shaka, akizungumza jambo na Wasanii Mrisho Mpoto (kushoto) na Steve Nyerere walipokutana kwenye mazishi hayo yaliyofanyika Toangoma, Kigamboni, Jijini Dar es Salaam, jana.

Jeneza lenye mwili wa Msanii Maunda Zorro likiwa limebebwa na waombolezaji kufikishwa kwenye maziko, wakati wa mazishi hayo.

Katibu wa Halmashauri Kuu ya Taifa (NEC) ya Chama Cha Mapinduzi (CCM), Itikadi na Uenezi, Shaka Hamdu Shaka, akiweka shada la maua kwenye kaburi la Maunda Zorro wakati wa mazishi hayo yaliyofanyika Toangoma, Kigamboni, Jijini Dar es Salaam, jana.