RAIS MSTAAFU WA KENYA MWAI KIBAKI AFARIKI DUNIA, RAIS UHURU KENYATTA ASEMA AMEFARIKI JANA USIKU

CCM Blog, Kimataifa
Rais wa Mstaafu wa tatu wa Kenya Mwai Kibaki, amefariki dunia akiwa na umri wa miaka 90, ikiwa imesalia miaka kumi tu kutimiza karne moja.

Akitangaza kifo hicho leo, Aprili 22, 2022, Rais wa Kenya Uhuru Kenyatta amesema Kibaki amefariki jana, Alhamisi usiku, Aprili 21, 2022, akimsifia kuwa ni Rais ni mtu ambaye aliongoza vema.

Rais Uhuru Kenyatta amesema, Kibaki aliyekuwa Rais wa kenya kuanzia mwaka 2003 hadi 2013, ataendelea kukumbukwa kama mtu shupavu na mzuri katika siasa za Kenya aliyeliongoza taifa hilo katika maendeleo makubwa.

Kufuatia kifo hicho, Rais Uhuru Kenyatta ametoa agizo la kufanyika maombelezo ya Kitaifa ikiwa ni pamoja na bendera kupepea nusu mlingoti.

Mwai Kibaki alisifika kwa kufufua uchumi wa Kenya uliokuwa umeporomoka ingawa kipindi cha uongozi wake kiligubikwa na vurugu mbaya zilizosababisha umwagikaji mkubwa wa damu kufuatia mvutano ulioibuka mnamo Desemba 2007 baada ya uchaguzi uliomrudisha tena madarakani.

Marehemu Mwai Kibaki