SIMBA,YANGA DIMBANI LEO MAPINDUZI CUP

 

…………………………………………………………………..

Na.Alex Sonna,Zanzibar

Vigogo wa Soka nchini Simba na Yanga wanaanza leo kusaka taji la Michuano ya Kombe la Mapinduzi yanayoendelea  Visiwani Zanzibar katika uwanja wa Amaan.

Washindi wa pili wa Michuano hiyo timu ya Simba itashuka dimbani majira ya saa 10:00 kucheza na Selem View ambnao walianza kwa  sare na Mlandege mechi yao ya kwanza huku wekundu wa Msimbazi itakuwa mechi yao ya kwanza wakiwa kundi C.

Mabingwa watetezi wa Kombe hilo Timu ya Yanga watacheza na  Taifa Jang’ombe majira ya saa 2:15 usiku,Taifa Jang’ombe walianza kwa kichapo cha mabao 2-1 dhidi ya  KMKM mechi ya kwanza katika kundi B.

Matajiri wa Chamazi timu ya Azam FC wao walianza vyema jana usiku kwa kupata ushindi dhidi ya Meli 4 City bao peke likifungwa na  mshambuliaji Shaaban Iddi Chilunda.

Michuano hiyo ilizinduliwa mnamo Januari 3,2022 kwa mchezo mmoja wa Namungo dhidi ya Meli Nne City na Vijana wa kusini kuibuka na ushindi wa mabao 2-1.