COMRADE CHONGOLO AFANYA MAZUNGUMZO NA BALOZI WA CHINA NCHINI

Katibu Mkuu wa Chama Cha Mapinduzi (CCM) Ndg. Daniel G Chongolo amekutana na kufanya mazungumzo na Balozi wa China nchini Tanzania Bi. Chen Mingjian.

Mazungumzo hayo yamefanyika leo tarehe 01 Disemba, 2021 katika Ofisi Ndogo za Makao Makuu Lumumba Jijini Dar Es Salaam.

Pamoja na mambo mengine, mazungumzo hayo yamelanga katika kuendeleza na kuimarisha ushirikiano wa Kiuchumi, Kijamii na Kisiasa baina ya nchi mbili za Tanzania na China kupitia vyama tawala vya CCM na CPC.

Kikao hicho kimehudhuriwa na Katibu wa Halmashauri Kuu ya CCM Taifa, Siasa na Uhusiano wa Kimataifa Kanali (Mst) Ngemela Lubinga.