RAIS SAMIA ATENGUA UTEUZI WA MKUU WA MKOA WA MWANZA ALBERT CHALAMILA, BATILDA APANDA KUTOKA RAS KUWA RC

Albert Chalamila

CCM Blog, Dar es Salaam

Rais Samia Suluhu Hassan, ametengua uteuzi wa aliyekuwa Mkuu wa mkoa wa Mwanza Albert Chalamila, na kumhanishia mkoa huo Mhandisi Roobart Gabriel ambaye alikuwa Mkuu wa Mkoa wa Mara.

Hatua hiyo imetokana na Rais Samia Suluhu Hassan kufanya mabadiliko madogo ya wakuu wa Mikoa na kuteua viongozi wengine.

Taarifa iliyotolewa usiku huu wa Juni 11, 2021 na Mkurugenzi wa Mawasiliano ya Rais Ikulu, Jafar Haniu imesema katika mabadiliko hayo aliyekuwa Mkuu wa Mkoa wa Tabora Ally Salum Hapi anahamia Mkoa wa Mara.

Kwa mujibu wa Taarifa hiyo, Rais Samia amemteua aliyekuwa Katibu Tawala wa Mkoa wa Shinyanga Batilda Salha Buriani kuwa mkuu wa Mkoa wa Tabora kuchukua nafasi ya Ally Salum Hapi.

Aidha aliyekuwa Katibu Twala Wilaya ya Simanjoro Zuwena Omari Jiri ameteuliwa kuwa Katibu Tawala wa Mkoa wa Shinyanga kuchukua nafasi ya Batilda Salha Buriani.

Taarifa hiyo imesema tarehe ya uapisho wa viongozi wapya itatangazwa baadae.