MUIGIZAJI WA KIKUNDI CHA VICHEKESHO CHA MIZENGWE MZEE MATATA AFARIKI DUNIA, LEO JIJINI DAR ES SALAAM

Mzee Jumanne Alela 'Mzee Matata'

Muigizaji wa vichekesho wa kundi la Mizengwe, Jumanne Alela maarufu kwa jina la Mzee Matata amefariki dunia katika Hospitali ya Taifa Muhimbili (MNH) alikokuwa anapatiwa matibabu.

Mkuu wa Kitengo cha Mawasiliano ya Umma Hospitali ya Taifa Muhimbili (MNH) Aminiel Aligaesha amesema msanii huyo amefariki dunia jana saa tano na nusu usiku.

“Msanii Jumanne Alela amefariki dunia jana saa tano na nusu usiku. Alilazwa tarehe 13.6. 2021”, amesema Aligaesha

Enzi za uhai wake Mzee Matata alitamba na maigizo katika kikundi cha Mizengwe kilichokuwa na wasanii, Mkwere Original, Safina, Sumaku na Maringo Saba.