CCM MKOA WA DAR YATAKA PUGU NA MSONGOLA KUPEWA WILAYA KUEPUKA CHANGAMOTO ZA UPATIKANAJI HUDUMA

Mwenyekiti wa Chama Cha Mapinduzi (CCM) mkoa wa Dar es Salaam Katty Slyvia Kamba akizungumza na viongozi wa CCM na watendaji mbalimbali wa Serikali katika Wilaya za mkoa wa Dar es Salaam, wakati wa kikao cha majumuisho ya kuhitimisha ziara yake na Sekretarieti ya CCM mkoa huo, Kikao hicho kimefanyika leo katika Ukumbi wa Lamada, Ilala.

Mama Katty Kamba amezungumzia mambo mbalimbali ytaliyojiri wakati wa ziara hiyo, ikiwemo msongamano wa wanafunzi katika madarasa na huduma hafivu za kijamii katika maeneo yaliyopo pembezoni mwa wilaya hiyo.

Amesema katika maeneo ya Pugu na Msongola amekuta shule moja ina watoto zaidi ya 100 darasani, pia maeneo mengi yapo umbali mrefu kutoka zilipo shule.

" Hebu fikirieni jamani, mtoto atoke Bangalo (Kijiji) aendele kwa mguu hadi shule ya Pugu Station, na pia alazimike kuvuka mto Msimbazi,. haiwezekani," alisema Katty Kamba.

Amesema, ili kuondoa changamoto hizo kuna umuhimu wa wananchi wanaoishi Pugu na Msongola kupatiwa Wilaya yao na Halmashauri kwa sababu wapo mbali mno na ilipo Makao Makuu ya Wilaya na Halmashauri ya Manispaa ya Ilala.

Mwenyekiti wa CCM Wilaya ya Ilala Ubaya Chuma akizungumza katika kikao hicho. Kushoto ni Katibu wa CCM mkoa wa Dar es Salaam Shaibu Akwilombe

Sekretarieti ya kikao ikiwa kazini kwenye kikao hicho

Katibu wa CCM mkoa wa Dar es Salaam Shaibu Akwilombe akizungumza katika kikao hicho. Akwilombe amezungumza mambo mbalimbali kuhusu uhai wa chama na usimamizi wa utekelezaji wa Ilani ya CCM.

Akwilombe amewaonya wanaoendekeza makundi ndani ya Chama hasa katika kipindi hiki cha kuelekea Uchaguzi Mkuu wa Ndani ya Chama utakaofanyika mwakani.

" Ni siku chache zilizobaki kufikia kipindi cha uchaguzi mkuu ndani ya Chama utakaofanyika mwakani. Najua kipindi kama hiki baadhi ya wana CCM hujaribu kumvika taswira mbaya kwa kuwapakazia mambo ya hovyo.. Tabia hii lazima iachwe", akasema Akwilombe na kuongeza kuwa tabia hiyo licha ya kusababisha mwanachama aliyepakaziwa kuonekana mbaya lakini hukichafua pia chama.

Katibu wa CCM mkoa wa Dar es Salaam Shaibu Akwilombe akisisitiza jambo wakati akizungumza katika kikao hicho.

Baadhi ya viongozi wakimsikiliza Akwilombe

Baadhi ya Viongoziwakimsikiliza Akwilombe.

Mwenyekiti wa Umoja wa Vijana wa CCM (UVCCM) Mussa Kilakala akiwa kwenye kikao hicho. Wapili ni Katibu Tawala wa Ilala Charangwa Selemani.

Washiriki wa kikao hicho wakiwa ukumbini

Baadhi ya Madiwani waliohudhuria kikao hicho wakishangilia wakati Akwilombe akionya wana CCM ambao huchafua wenzao ili kupata uypenyo wa kuwania uongozi.