MPACHILA MSHINDI WA PROMOSHENI YA TUMIA M PESA USHINDE YA SHANGWE SHANGWENA AKABIDHIWA GARI DODOMA

 

Mkuu wa Wilya ya Dodoma Mjini, Mwalimu Josephat Maganga akimkabidhi zawadi ya gari mshindi wa promosheni ya Tumia M Pesa Ushinde ya Shangwe Shangwena,  Mkazi wa Ipagala, jijini Dodoma,William Mpachila wakati wa  kilele cha maadhimisho ya miaka 20 Vodacom Tanzania.PICHA ZOTE NA RICHARD MWAIKENDA

Mpachila akiwa na mkewe Catherine ndani gari baada ya kukabidhiwa.

Mpachila akijiandaa kuondoka na gari lake baada ya kukabidhiwa rasmi.

Mkuu wa Wilaya ya Dodoma Mjini, Maganga akiwa katika picha ya pamoja na timu ya Vodacom iliyoendesha promosheni ya Shangwe  Shangwena.

Gari la Mpachila likiondoka kwenye viwanja vya Nyerere Square huku akishangiliwa

Na Richard Mwaikenda, CCM Blog, Dodoma.

Mkazi wa Ipagala, jijini Dodoma,William Mpachila  amekabidhiwa na Mkuu wa Wilaya ya Dodoma, Josephat Maganga zawadi ya gari aina ya Renault Kwid baada ya kushinda shindano la Tumia M-Pesa Ushinde katika promosheni ya Shangwe Shangwena ya kuadhimisha miaka 20 ya Vodacom Tanzania.

 

Akizungumza wakati wa kukabidhi zawadi hiyo eneo la Nyerere Square,  jijini Dodoma, Mkuu huyo wa Wilaya ya Dodoma, Josephat Maganga, ambaye katika hafla hiyo alimwakilisha Mkuu wa Mkoa wa Dodoma, Dk. Binilith Mahenge, aliipongeza vodacom kwa kutimiza azma ya serikali ya kuzisogeza karibu kwa wananchi huduma za mawasiliano ya simu na za kifedha kupitia  M-Pesa kwa kipindi chote cha miaka 20.

 

Naye Meneja wa Vodacom Kanda ya Kati, Grace Chambua amesema katika kuadhimisha miaka 20, licha ya kutoa punguzo 15% kwa bidhaa zao, lakini wameendesha promosheni ya Shangwe Shangwena ya Tumia M-Pesa Ushinde kwa kutoa zawadi ya magari matano, sh. milioni 25 kwa wateja 25 kila mmoja sh. mil 1, na kwamba zawadi zote zimegharimu zaidi ya sh. bil. 3.

 

Mshindi wa gari hilo, Mpachila ambaye ni dereva wa pick up ndogo aina ya kilikuu ameishukuru Vodacom kwa kumpatia zawadi hiyo ambayo hakuitegemea na kwamba ataitumia kwa shughuli zake binafsi.

Aidha, Mpachila amewawashauri vijana na wananchi kwa ujumla, kutozibeza promosheni zinazoendeshwa na Vodacom akidai ni za ukweli na ndiyo maanda yeye amefanikiwa kushinda na kutwaa gari hilo.

Mpachila licha kuwa dereva mzuri mwenye leseni, kwa furaha kubwa aliyokuwa nayo alishindwa kabisa kuendesha gari hilo, hivyo ilibidi asaidiwe kuendesha  na ndugu yake kuelekea kwao Ipagala.