JPM: HAKUNA NILIYEMTUMA KUGOMBEA UBUNGE

                                              ,

Rais wa Jamhuri ya Muungano,  John Magufuli  amesema kuwa haukuna mwanachama yeyote aliyemtuma kuchukua fomu za kuomba kugombea Ubunge kupitia CCM.

"Nawathibitishia Wananchi na Wana CCM kuwa hakuna Mtu yeyote aliyetumwa, kama wapo wanaosema nimewatuma ni waongo, meseji iwafikie wana CCM wote, wapimeni wagombea kwa namna mnavyoona wanafaa, siwezi kutuma mtu kupitia mgongo wa pembeni"
Ametoa onyo hilo wakati wa hafla ya kuwaapisha viongozi mbalimbali aliowateua katika Ikulu ya Chamwino, Dodoma.

Amewataka wajumbe na viongozi wanaohusika na kuchuja majina, kufuata haki ili apatikane mgombea aliye safi.