SAMATTA AWAJIBU WALIODAI ALICHEZA CHINI YA KIWANGO

  Nahodha wa Taifa Stars, Mbwana Samatta amekiri kupokea maoni ya Watanzania kuhusu kucheza chini ya Kiwango na aahidi kuyafanyia kazi.

Baadhi ya mashabiki kwenye mtandano wamekuwa wakimshtumu Samatta kuwa alicheza chini ya kiwango kwenye mchezo dhidi ya Libya ambapo Tanzania ilipoteza kwa goli 2-1.

"Nimepata meseji na maoni kutoka kwa watu kadhaa kuwa awajaelewa kiwango nilichoonesha katika mechi za timu ya taifa, ukweli nimefurahi kuona watu wanasema ukweli sichukulii binafsi bali nachukulia kama chachu itakayonifanya nijitume zaidi ili niweze kuwa bora zaidi" ameeleza Samatta kwenye ukurasa wake twitter.

Kwa matokeo ya hapo juzi Taifa Stars imesalia na pointi zake tatu ambazo ilizipata kwenye mchezo wa awali, huku Tunisia ikiongoza kwa pointi sita.